ડીસાના રસાણા નાના ગામમાંથી તીનપત્તીનો જુગાર રમતા ૬ ઈસમો ઝડપાયા

એલસીબી પોલીસ દ્વારા રૂ. ૩૧,૯૭૦/-નો મુદ્દામાલ જપ્ત; જિલ્લા પોલીસ અધિક્ષક પ્રશાંત સુંબે અને પોલીસ મહાનિરીક્ષક ચિરાગ કોરડીયાની સૂચના મુજબ, દારૂ અને જુગારની પ્રવૃત્તિને નાબૂદ કરવા માટે એલ.સી.બી. પોલીસ દ્વારા વિશેષ ઝુંબેશ ચલાવવામાં આવી રહી છે. જે અંતર્ગત, એલ.સી.બી. પોલીસ ઈન્સ્પેક્ટર એ.વી. દેસાઈના માર્ગદર્શન હેઠળ, ટીમે ડીસા રૂરલ પોલીસ સ્ટેશન વિસ્તારમાં પેટ્રોલિંગ દરમિયાન ચોક્કસ બાતમીના આધારે રસાણા નાના ગામમાં દરોડો પાડ્યો હતો.આ દરોડામાં, ગામના ઠાકોર વાસમાં આવેલા બ્રામણી માતાના મંદિરની પાછળ બાવળના ઝાડ નીચે જાહેરમાં તીનપત્તીનો જુગાર રમી રહેલા ૬ ઈસમોને ઝડપી પાડવામાં આવ્યા હતા. પોલીસે તેમની પાસેથી રોકડા રૂ. ૧૫,૯૭૦/-, મોબાઈલ ફોન નંગ-૩ (કિંમત રૂ. ૧૬,૦૦૦/-), અને ગંજીપાના નંગ-૫૨ સહિત કુલ રૂ. ૩૧,૯૭૦/-નો મુદ્દામાલ જપ્ત કર્યો હતો. પકડાયેલા તમામ ઈસમો વિરુદ્ધ ડીસા રૂરલ પોલીસ સ્ટેશનમાં જુગાર ધારા કલમ-૧૨ મુજબ કાયદેસરની કાર્યવાહી હાથ ધરવામાં આવી છે.

ડીસાના રસાણા નાના ગામમાંથી તીનપત્તીનો જુગાર રમતા ૬ ઈસમો ઝડપાયા

સંબંધિત સમાચાર

પાલનપુર-અંબાજી હાઇવે પર મેરવાડા પાસે સ્કોર્પિયો ખાડામાં ખાબકી

વડગામના લિંબોઈ ખાતે સરસ્વતી કોલેજમાં પૂર્વ મુખ્યમંત્રીની અધ્યક્ષસ્થાને ત્રિવેણી પર્વ ઉજવાયો

ડીસામાં મધરાત્રે ક્લોરિન ગેસ લીકેજથી ફફડાટ: તંત્રની ત્વરિત કાર્યવાહીથી મોટી જાનહાનિ ટળી

અંબાજી ગબ્બર કામાખ્યા શક્તિપીઠ: અંબુવાચી મહોત્સવ પૂર્ણ થતાં દર્શન પુનઃ શરૂ