બનાસકાંઠામાં આઠ સેન્ટરો ઉપર ટેકાના ભાવે 1637 ખેડૂતોની 9155 મેટ્રિક ટન બાજરીની ખરીદી

1138 ખેડૂતોના પી.એફ.એમ.એસ. દ્વારા 19.58 કરોડ રૂપિયા સીધા ખાતામાં જમા; બનાસકાંઠા જિલ્લામાં ચાલું વર્ષે પણ સરકારે ટેકાના ભાવ જાહેર કરતા તંત્ર દ્વારા બાજરી ખરીદીની શરૂ કરાઈ હતી.ત્યારે ખેડૂતોને ટેકાના ભાવની ખરીદી માટે 1 એપ્રિલથી 30 એપ્રિલ સુધી ઓનલાઈન રજિસ્ટ્રેશન પોર્ટલ ખુલ્લું મુકાયું હતું. બાદમાં રજીસ્ટર થયેલ 3622 પૈકી 2645 ખેડૂતોના મોબાઈલ ઉપર મેસેજ છોડવામાં આવ્યાં હતાં.જેમાં બનાસકાંઠા જિલ્લા પુરવઠા વિભાગ દ્વારા બનાસકાંઠા જિલ્લાના આઠ તાલુકામાં સેન્ટરો ઉભા કરીને ટેકાના ભાવે ખરીદી શરૂ કરીને 15 જુલાઈ સુધીમાં 9150 મેટ્રિક ટન બાજરીની ખરીદી કરાઈ હતી. રાજ્ય સરકારના નિયત કરેલ ટેકાના ભાવ મુજબ પ્રતિ કવીંટલે 2925 રૂપિયાના ભાવે ખરીદી કરાઈ હતી.આ સમગ્ર પ્રક્રિયા પૂર્ણ થયાં બાદ પહેલી મેથી 15 જુલાઈ સુધી ટેકાના ભાવે બાજરી ખરીદીમાં 1667 ખેડૂતોની 9150 મેટ્રિક ટન બાજરીની ખરીદી કરવામાં આવી હતી. ધાનેરા સેન્ટર ઉપર એક પણ ખેડુતે બાજરી ન ભરાવી; બનાસકાંઠાના આઠ તાલુકાઓમાં બાજરી ખરીદી માટે ઉભા કરેલ સેન્ટરો પૈકી  ડીસામાં 396,કાંકરેજમાં 69, થરાદમાં 172, લાખણીમાં 419,દિયોદરમાં 160,પાલનપુરમાં 317,વડગામમાં 104, ખેડૂતોએ ટેકાના ભાવે બાજરી ભરાવી હતી.જ્યારે ધાનેરામાં એક પણ ખેડૂતે ટેકાના ભાવે બાજરી ભરાવી નહતી.