પંજાબના ડીએસપીનું જીમમાં વર્કઆઉટ કરતી વખતે હાર્ટ એટેકથી મોત, ખનૌરી બોર્ડર પર હતાં તૈનાત

ખેડૂતોના આંદોલન દરમિયાન હરિયાણા અને પંજાબની ખનૌરી બોર્ડર પર તૈનાત માલેરકોટલાના ડીએસપીનું હાર્ટ એટેકથી નિધન થયું હતું. પંજાબ પોલીસના ડીજીપીએ તેમના નિધન પર શોક વ્યક્ત કર્યો છે. મળતી માહિતી મુજબ DSP દિલપ્રીત સિંહ (50) હાલમાં ખનૌરી બોર્ડર પર ફરજ પર હતા. તે લુધિયાણા-ફિરોઝપુર રોડ પર ભાઈ બાલા ચોક પાસેની હોટલના જીમમાં કસરત કરી રહ્યા હતા. આ દરમિયાન તેમને હાર્ટ એટેક આવ્યો અને તેમને હોસ્પિટલમાં લઈ જવામાં આવ્યા હતા. પરંતુ તબીબોએ તેમને મૃત જાહેર કર્યો હતા .

લુધિયાણાના રહેવાસી દિલપ્રીત સિંહ નિયમિત રીતે જીમ જતો હતો. આ પહેલા તેઓ લુધિયાણામાં ACP તરીકે ફરજ બજાવી ચૂક્યા છે. તેના સાથીદારોના જણાવ્યા અનુસાર, દિલપ્રીત તેના સ્વાસ્થ્યને લઈને ખૂબ જ સભાન હતો. તે જીમમાં જવાનું ક્યારેય ભૂલતા ન હતા. સાંજે લગભગ ચાર વાગ્યે તે જીમમાં પહોંચ્યો હતો. કસરત કરતી વખતે તેણે છાતીમાં દુ:ખાવો થયો અને તેઓ અચાનક ઢળી પડ્યા.

તેમના જીમના મિત્રોની મદદથી તેને હોસ્પિટલ લઈ ગયા, જ્યાં ડોક્ટરોએ તેને મૃત જાહેર કર્યો. DSP દિલપ્રીત સિંહની ડ્યૂટી ખનૌરી બોર્ડર પર હતી. તેની નાઈટ શિફ્ટ હતી. તેઓ રાત્રે 8 વાગ્યાથી સવારના 4 વાગ્યા સુધી ફરજ પર હતા. સવારની ડ્યુટી પછી જીમમાં ગયો. દિલપ્રીત છેલ્લા 31 વર્ષથી પોલીસ વિભાગમાં ફરજ બજાવતો હતો. 15 દિવસ પહેલા જ તેમની મલેરકોટલા ખાતે બદલી કરવામાં આવી હતી.