ખાણમાં લેન્ડ સ્લાઇડ, 10 મજૂરોના મોત; મિઝોરમમાં ભારે વરસાદને કારણે મોટી દુર્ઘટના

 પૂર્વીય રાજ્ય મિઝોરમમાં આજે લેન્ડ સ્લાઈડ સર્જાઈ હતી. આઈઝોલ શહેરમાં ભારે વરસાદને કારણે ખાણ ધસી પડી હતી, જેમાં કામ કરતા ૧૦ કામદારો કાટમાળ નીચે દટાયા મોત થયા છે. જો કે, હજુ સુધી ખાણમાં લોકો દટાયા છે અને રેસ્ક્યુ ઓપરેશન ચાલુ છે. 2 મજૂરોને બચાવી લેવામાં આવ્યા છે. પોલીસના જણાવ્યા અનુસાર આજે સવારથી આ વિસ્તારમાં ભારે વરસાદ પડી રહ્યો છે. 

રેસ્ક્યુ ઓપરેશન ચાલુ

શહેરના દક્ષિણ ભાગમાં આવેલા મેલ્થમ અને હલીમેન વચ્ચેના વિસ્તારમાં ખોદવામાં આવેલી ખાણમાં આ અકસ્માત થયો હતો. ખાણ ધરાશાયી થતાં જ કામદારોમાં નાસભાગ મચી ગઈ હતી, પરંતુ બધા બહાર નીકળી શક્યા ન હતા. અકસ્માતની માહિતી પોલીસ અને પ્રશાસનને આપવામાં આવી હતી. માહિતી મળતાની સાથે જ NDRF અને વહીવટીતંત્રની બચાવ ટુકડીઓ ઘટનાસ્થળે પહોંચી ગઈ હતી. લોકોને કાબૂમાં લેવા માટે પોલીસ ફોર્સ પણ સ્થળ પર તૈનાત છે. 

એલર્ટ હોવા છતાં કામગીરી કરવામાં આવી રહી હતી

મીડિયા રિપોર્ટ્સ અનુસાર, વરસાદને કારણે બચાવ કામગીરીમાં અડચણ આવી રહી છે. વરસાદના કારણે રાજ્યની ઘણી શાળાઓ પણ બંધ કરી દેવામાં આવી છે. રાજ્ય સરકારે એલર્ટ જાહેર કર્યું છે, પરંતુ તેમ છતાં ખાણમાં કામ ચાલી રહ્યું હતું. જેના કારણે લોકોમાં પણ રોષ જોવા મળી રહ્યો છે અને તેઓ પોલીસ પાસે ખાણ માલિક સામે કાર્યવાહી કરવા માંગ કરી રહ્યા છે.