વિજય થાલાપતિ એ લોકસભા ચૂંટણી 2024 પહેલા રાજકારણમાં પ્રવેશની જાહેરાત કરી : પાર્ટીનું નામ ( તમિલગા વેત્રી કાઝમ ) રાખવામાં આવ્યું

તમિલના અભિનેતા વિજય થાલાપતિ એ લોકસભા ચૂંટણી 2024 પહેલા 2 ફેબ્રુઆરીએ રાજકારણમાં પ્રવેશની જાહેરાત કરી હતી. અભિનેતા વિજય થાલાપતિ દ્વારા પોતાની પાર્ટીનું નામ તમિલગા વેત્રી કાઝમ રાખવામાં આવ્યું છે. અને જનરલ અને એક્ઝિક્યુટિવ કાઉન્સિલની બેઠક દરમિયાન લેવાયેલા નિર્ણયને ટાંકતા વિજયે કહ્યું કે તેમની નવી શરૂ થયેલી પાર્ટી 2024ની લોકસભાની ચૂંટણી લડશે નહીં અને અન્ય કોઈ પક્ષને સમર્થન આપશે નહીં.

વિજય થાલાપતિ દ્વારા એક નિવેદન જારી કરવામાં આવ્યું છે. જેમાં તેમણે જણાવ્યું હતું કે, ‘અમે 2024ની ચૂંટણી લડવાના નથી અને અમે કોઈ પક્ષને સમર્થન આપવાના નથી. અમે જનરલ અને એક્ઝિક્યુટિવ કાઉન્સિલની બેઠક માટે આ નિર્ણય લેવામાં આવ્યો છે. સાથે જ તેમણે ખુલાસો કર્યો કે પાર્ટી માત્ર તમિલનાડુ વિધાનસભા ચૂંટણી 2026માં જ લડશે અને આગામી લોકસભા ચૂંટણી 2024માં નહીં.

અભિનેતાએ કહ્યું કે તે ફિલ્મ ઉદ્યોગ છોડી દેશે અને ટૂંક સમયમાં ચૂંટણીના રાજકારણમાં સંપૂર્ણ રીતે પ્રવેશ કરશે. તેમણે પાર્ટીના કામમાં અડચણ ઉભી કર્યા વિના પહેલેથી જ નિર્ધારિત ફિલ્મ પૂર્ણ કરવાની વાત કરી અને ટૂંક સમયમાં લોકોની સેવા કરવા માટે રાજકારણમાં તેમની સંપૂર્ણ ભાગીદારીની પુષ્ટિ કરી.

રિલીઝમાં વિજય થાલાપતિ એ કહ્યું, ‘અમારો ઉદ્દેશ્ય આગામી 2026ની વિધાનસભા ચૂંટણીમાં ભાગ લેવાનો અને વિજયી બનવાનો છે, જેનાથી રાજકીય પરિવર્તન લાવી શકાય છે. ‘ વિજયે વધુમાં જણાવ્યું, ‘રાજનીતિ માત્ર કારકિર્દી કરતાં વધુ છે; આ મારું પેશન છે, માત્ર શોખ નથી. હું મારી જાતને તેમાં સંપૂર્ણપણે ડૂબી જવા માટે પ્રતિબદ્ધ છું.