‘મળે ગાળો આપી, રૂમમાં એક મિનીટ સુધી બંધ રાખી અને મારી સાથે…’ કોંગ્રેસ નેતા પર આરોપ લગાવતા રાધિકા ખેડાએ આંસુ વહાવ્યા

કોંગ્રેસ પાર્ટીમાંથી રાજીનામું આપ્યા બાદ રાધિકા ખેરાએ કોંગ્રેસના નેતાઓ પર ગંભીર આરોપો લગાવ્યા છે. કોંગ્રેસના મીડિયા અધ્યક્ષ સુશીલ આનંદ શુક્ખાનું નામ લેતા તેણે કહ્યું કે તેણે રાધિકા સાથે ખરાબ વર્તન કર્યું અને તેની સાથે દુર્વ્યવહાર પણ કર્યો.

રાધિકાએ કહ્યું, ’30 એપ્રિલે જ્યારે હું છત્તીસગઢ કોંગ્રેસના મીડિયા અધ્યક્ષ સુશીલ આનંદ શુક્ખા સાથે વાત કરવા ગઈ ત્યારે તેણે મારી સાથે ગેરવર્તન કરવાનું શરૂ કર્યું અને મારી સાથે દુર્વ્યવહાર કર્યો. હું ખૂબ ચીસો પાડી. તેણે લોકોને નીચે જઈને જનરલ સેક્રેટરીને ફોન કરવા કહ્યું, પરંતુ કોઈ ન ફરક્યું, પછી જ્યારે મેં મારો ફોન કાઢીને કહ્યું કે હું તમારું રેકોર્ડિંગ કરું છું, ત્યારે સુશીલ આનંદ શુક્લાએ ઈશારો કર્યો અને તે રૂમમાં હાજર અન્ય 2 લોકોએ દરવાજો ખોલ્યો.

‘ત્રણેય જણા ઊભા થઈને મારી તરફ આવ્યા’

લગભગ એક મિનિટ સુધી રૂમ અંદરથી બંધ રહ્યો અને મારી સાથે દુર્વ્યવહાર કરવામાં આવ્યો. ત્રણેય માણસો ઉભા થઈને મારી તરફ આવ્યા. હું બૂમો પાડતી રહી, પરંતુ કોઈએ દરવાજો ખોલવાનો પ્રયાસ કર્યો નહીં. મેં દરવાજો જોરથી ધક્કો મારીને દરવાજો ખોલ્યો અને પ્રદેશ મહામંત્રીના રૂમમાં ગઈ પણ તેઓ ચંપલ ઉતારીને બેઠા રહ્યા, કોઈ ઊભું ન થયું. એ માણસને કોઈએ બોલાવ્યો, કોઈએ પૂછ્યું નઈ કે શું થયું?

તેણે આગળ કહ્યું, ‘મેં પહેલું કામ એ કર્યું કે મેં સચિન પાયલટને ફોન કર્યો, પરંતુ તેણે મારી સાથે વાત કરી નહીં, તેના પીએ મને કહ્યું કે સચિન પાયલટ વ્યસ્ત છે. તેના પીએ કોઈ સાથે વાતચીત કરી હતી. ત્યાં તેણે મને ઘટના વિશે કંઈ ન કહેવા, મોં ન ખોલવા કહ્યું. આ પછી મેં ભૂપેશ બઘેલ, પવન ખેડા અને જયરામ રમેશને ફોન કર્યો, પરંતુ તેમાંથી કોઈએ જવાબ આપ્યો નહીં. બાદમાં ભૂપેશ બઘેલે મને ફરી કોલ કર્યો.