મોડાસાના બાકરોલ કંપા ગામે વૃક્ષના પોલાણમાં અચાનક આગ લાગી
મોડાસાના બાકરોલ કંપા ગામે મૂળસિંહ સીસોદીયા નામના એક ખેડૂત રહે છે. આ ખેડૂતના ખેતરમાં એક સૂકું ઝાડ આવેલું છે. આજે બપોરે 12 કલાકે અચાનક આ વૃક્ષમાંથી આગની જ્વાળાઓ નીકળવા લાગી હતી. અચાનક આગના ગોટે ગોટા દેખાતા આસપાસના અન્ય ખેડૂતો ગભરાવા લાગ્યા હતી. આગની જાણ ખેતર માલિકને કરી જેથી ખેતર માલિકે ખેતરની અન્ય મિલકતોને નુકસાન ન થાય એ માટે મોડાસા ફાયર વિભાગને જાણ કરી હતી.
મોડાસા ફાયર વિભાગ તરત જ ઘટનાસ્થળે આવી ખેતરમાં લાગેલી આગને કાબુમાં લીધી હતી. જોકે આવી આગ પ્રથમ વખત જોવા મળતા દરેકના મનમાં કુતુહલ જોવા મળ્યું હતું. આગ કયા કારણોસર લાગી, કેવી રીતે લાગી આ તમામ બાબતોનું રહસ્ય અકબંધ છે.
You may also like
