ધાનેરાની એક ખાનગી હોસ્પિટલમાં જીવતા સાપનો વીડિયો વાયરલ

દર્દીને સાપ કરડયો હોવાથી પરિવારજનો બરણીમાં જીવતો સાપ લઈ આવ્યા; ધાનેરાની એક ખાનગી હોસ્પિટલમાં ચોકાવનારો વીડિયો વાયરલ થયો છે, જેમાં દર્દીના પરિવારજનો દ્વારા જીવતો સાપ હોસ્પિટલમાં લાવવામાં આવ્યો હોવાનું જણાઈ રહ્યું છે. જેમાં દર્દીને સાપ કરડયો હોવાથી, ડોક્ટરને બતાવવા માટે પરિવારજનો જીવતો સાપ એક બરણીમાં લઈ હોસ્પિટલ પહોંચ્યા હતા. આમ આ વાયરલ વીડિયોમાં સ્પષ્ટપણે જોઈ શકાય છે કે હોસ્પિટલની ગેલેરીમાં અનેક લોકોની હાજરીમાં બરણીમાંથી જીવતો સાપ બહાર કાઢી વીડિયો બનાવવામાં આવ્યો હતો. આ ઘટનાએ લોકોમાં ભારે આશ્ચર્ય જન્માવ્યું છે અને હોસ્પિટલની સુરક્ષા વ્યવસ્થા પર અનેક ગંભીર સવાલો ઉભા કર્યા છે. આ અંગે જીવતા સાપનો હોસ્પિટલમાં વીડિયો બનાવવો કેટલો વ્યાજબી છે? તેવા પ્રશ્નો ઉઠવા પામ્યા છે. આમ આવા સમયે જો સાથે ગુસ્સામાં આવીને કોઈને ડંખ માર્યો હોત તો જવાબદારી કોની? તે પણ એક પ્રશ્ન છે. આમ આ મામલે સત્વરે તપાસ હાથ ધરી જવાબદારી સામે કાર્યવાહી થવી જોઈએ અને ભવિષ્યમાં આવી ઘટનાઓ ન બને તે માટે કડક પગલાં લેવાવા જોઈએ.

ધાનેરાની એક ખાનગી હોસ્પિટલમાં જીવતા સાપનો વીડિયો વાયરલ

સંબંધિત સમાચાર

આવતીકાલથી શ્રાવણ માસનો પ્રારંભ : શ્રાવણ માસને લઇ શિવભક્તોમાં અદમ્ય ઉત્સાહ

અંબાજીમાં ધીમીધારે વરસાદથી નીચાણવાળા વિસ્તારો પાણીમાં : વાહનચાલકો પરેશાન

માલગઢ ખાતે ડીસા તાલુકા કક્ષાની વિશાળ તિરંગા યાત્રા નીકળી : સમગ્ર ગામ દેશભક્તિના રંગે રંગાયું

કાંકરેજના ખીમાણા ગામે તિરંગા યાત્રા યોજાઈ