મહિલા U19 T20 વર્લ્ડ કપમાં પ્રથમ સેમિફાઇનલ મેચ ભારત અને ઇંગ્લેન્ડની ટીમ વચ્ચે રમાશે
મલેશિયાની રાજધાની કુઆલાલંપુરમાં રમાઈ રહેલા બીજા ICC મહિલા અંડર-19 T20 વર્લ્ડ કપમાં હવે સુપર સિક્સની મેચો પૂરી થઈ ગઈ છે, જેમાં સેમીફાઈનલ મેચ 31 જાન્યુઆરીએ રમાશે. ભારતીય મહિલા અંડર-19 ટીમ, જે ડિફેન્ડિંગ ચેમ્પિયન પણ છે, તેણે આ વખતે અત્યાર સુધી મેદાન પર શાનદાર પ્રદર્શન કર્યું છે. ટીમ ઈન્ડિયાએ સેમીફાઈનલમાં પોતાનું સ્થાન પહેલેથી જ નિશ્ચિત કરી દીધું હતું, હવે તે પણ નક્કી થઈ ગયું છે કે તેનો સામનો કઈ ટીમ સાથે થશે. આ ટુર્નામેન્ટમાં ભારતીય મહિલા અંડર-19 ટીમનું અત્યાર સુધી અજેય અભિયાન જોવા મળ્યું છે.
બીજી સેમિફાઇનલમાં આફ્રિકાની ટીમ ઓસ્ટ્રેલિયા સામે ટકરાશે; ICC મહિલા અંડર-19 T20 વર્લ્ડ કપ 2025ની પ્રથમ સેમિફાઇનલ મેચ ભારત અને ઇંગ્લેન્ડની ટીમ વચ્ચે રમાશે, જ્યારે બીજી સેમિફાઇનલ મેચ પણ 31 જાન્યુઆરીએ દક્ષિણ આફ્રિકા અને ઓસ્ટ્રેલિયાની ટીમ વચ્ચે રમાશે. ઓસ્ટ્રેલિયન ટીમને સુપર સિક્સમાં તેની છેલ્લી મેચમાં શ્રીલંકા સામે 12 રને હારનો સામનો કરવો પડ્યો હતો પરંતુ તેણે સેમિફાઇનલમાં પોતાનું સ્થાન પહેલેથી જ નિશ્ચિત કરી લીધું હતું.
