IPL 2026 માં રાજસ્થાન રોયલ્સના ટીમ મેનેજર રોમી ભિંડર સામે કડક કાર્યવાહી

IPL 2026 દરમિયાન નિયમોનું ઉલ્લંઘન એક મોટો મુદ્દો બન્યો જ્યારે રાજસ્થાન રોયલ્સ મેનેજર ડગઆઉટમાં ફોનનો ઉપયોગ કરવા બદલ દોષિત સાબિત થયા. મામલો એટલો વધી ગયો કે BCCI ને હસ્તક્ષેપ કરવો પડ્યો અને અંતે કડક કાર્યવાહી કરવામાં આવી. ગુવાહાટીના બારસાપારા સ્ટેડિયમમાં રમાયેલી રોયલ ચેલેન્જર્સ બેંગ્લોર સામેની મેચ દરમિયાન ડગઆઉટમાં ફોનનો ઉપયોગ કરવા બદલ રાજસ્થાન રોયલ્સ મેનેજર રોમી ભિંડરને BCCI દ્વારા 1 લાખ રૂપિયાનો દંડ ફટકારવામાં આવ્યો છે. જોકે, તેમને પ્રતિબંધમાંથી મુક્તિ આપવામાં આવી છે. BCCI સચિવ દેવજીત સૈકિયાએ હિન્દુસ્તાન ટાઇમ્સ સાથેની વાતચીતમાં આ સમગ્ર મામલાની પુષ્ટિ કરી અને કહ્યું કે ભ્રષ્ટાચાર વિરોધી એકમ (ACSU) તેમના જવાબથી સંતુષ્ટ નથી.હકીકતમાં, આ ઘટનાનો વીડિયો સોશિયલ મીડિયા પર વાયરલ થયાના બે દિવસ પછી, BCCI એ રોમી ભિંડરને કારણદર્શક નોટિસ ફટકારી હતી, જેમાં 48 કલાકની અંદર જવાબ માંગવામાં આવ્યો હતો. તાજેતરમાં, ભિંડરની તબિયત ખરાબ હોવાના અહેવાલો સામે આવ્યા હતા, જેના કારણે તેણે ડગઆઉટમાં ફોનનો ઉપયોગ કર્યો હતો. IPL ના નિયમો અનુસાર, ટીમ મેનેજર ફોનનો ઉપયોગ કરી શકે છે, પરંતુ તેમને PMOA વિસ્તારમાં, એટલે કે ડગઆઉટમાં પરવાનગી નથી. ફોનનો ઉપયોગ ફક્ત ડ્રેસિંગ રૂમમાં જ થઈ શકે છે. આને પ્રોટોકોલનું ઉલ્લંઘન માનવામાં આવ્યું હતું, અને કાર્યવાહી કરવામાં આવી હતી.