ચેન્નાઈને સિઝનની ત્રીજી હારનો સામનો કરવો પડ્યો, RCB 43 રનથી જીત્યું

IPL 2026 ની 11મી મેચ રોયલ ચેલેન્જર્સ બેંગ્લોર અને ચેન્નાઈ સુપર કિંગ્સ વચ્ચે એમ ચિન્નાસ્વામી સ્ટેડિયમ ખાતે રમાઈ હતી. આ મેચમાં RCB એ ચેન્નાઈને 43 રનથી હરાવ્યું હતું. ચેન્નાઈ સુપર કિંગ્સે ટોસ જીતીને પહેલા બોલિંગ કરવાનો નિર્ણય લીધો હતો. પહેલા બેટિંગ કરતા RCB એ 20 ઓવરમાં 3 વિકેટ ગુમાવીને 250 રન બનાવ્યા હતા. RCB તરફથી દેવદત્ત પડિકલ અને ટિમ ડેવિડે અડધી સદી ફટકારી હતી. પડિકલે 29 બોલમાં 50 રન બનાવ્યા હતા. ટિમ ડેવિડે 25 બોલમાં 3 ચોગ્ગા અને 8 છગ્ગાની મદદથી 70 રનની તોફાની ઈનિંગ રમી હતી. આ મેચમાં ચેન્નાઈના બોલરો ખૂબ મોંઘા સાબિત થયા હતા. 251 રનના જવાબમાં, ચેન્નાઈ સુપર કિંગ્સ 19.4 ઓવરમાં 207 રનમાં ઓલઆઉટ થઈ ગઈ હતી. આ મેચમાં ચેન્નાઈ તરફથી સરફરાઝ ખાને સૌથી વધુ 50 રન બનાવ્યા હતા, જ્યારે પ્રશાંત વીરે 29 બોલમાં 43 રનની ઇનિંગ રમી હતી.