આજે ભારત આ રાજ્યોમાં વરસાદનું એલર્ટ, જાણો તમારા વિસ્તારનું હવામાન

ભારતભરમાં હવામાનની પેટર્ન ઝડપથી બદલાઈ રહી છે કારણ કે અનેક પશ્ચિમી વિક્ષેપો દેશના હવામાનને અસર કરી રહ્યા છે. હવામાન વિભાગે 31 માર્ચથી 5 એપ્રિલ દરમિયાન વરસાદ, વાવાઝોડા, ભારે પવન અને તાપમાનમાં વધઘટની આગાહી કરી છે. ઉત્તરીય પર્વતીય વિસ્તારોમાં બરફવર્ષાની અપેક્ષા રાખી શકાય છે, જ્યારે મેદાની વિસ્તારોમાં ગરમી અને ભેજ વધી શકે છે. આગામી દિવસોમાં ઉત્તર પશ્ચિમ ભારતના કેટલાક ભાગોમાં તાપમાન 2-5 ડિગ્રી સેલ્સિયસ સુધી વધઘટ થઈ શકે છે.

હવામાન વિભાગના જણાવ્યા અનુસાર, 31 માર્ચે ઉપ-હિમાલયી પશ્ચિમ બંગાળ, સિક્કિમ, બિહાર, ઝારખંડ અને ઓડિશામાં ભારે પવન સાથે વરસાદ અને કરા પડવાની શક્યતા છે. 31 માર્ચ અને 1 એપ્રિલે અરુણાચલ પ્રદેશમાં, 31 માર્ચે આસામ, મેઘાલય, ત્રિપુરામાં ભારે વરસાદની શક્યતા છે. 3 થી 5 એપ્રિલ દરમિયાન પંજાબ, હરિયાણા, ચંદીગઢ, દિલ્હીમાં, 2થી 4 એપ્રિલ દરમિયાન પશ્ચિમ રાજસ્થાનમાં, 3 અને 4 એપ્રિલે પૂર્વ રાજસ્થાનમાં અને 4 અને 5 એપ્રિલે પશ્ચિમ ઉત્તર પ્રદેશમાં હળવોથી મધ્યમ વરસાદ પડી શકે છે. આ સાથે, કેટલાક સ્થળોએ વાવાઝોડા અને ભારે પવન પણ આવી શકે છે.

આ ઉપરાંત, 3 અને 4બીએપ્રિલના રોજ જમ્મુ અને કાશ્મીર, લદ્દાખ, ગિલગિટ-બાલ્ટિસ્તાન, મુઝફ્ફરાબાદ, ઉત્તરાખંડ અને હિમાચલ પ્રદેશમાં હળવો થી મધ્યમ વરસાદ/બરફ પડવાની સંભાવના છે. છૂટાછવાયા સ્થળોએ વાવાઝોડા અને ભારે પવન (40-50 કિમી પ્રતિ કલાક સુધી) પણ શક્ય છે.

આગામી પાંચ દિવસમાં મધ્ય ભારતમાં વાવાઝોડા, વીજળી અને 30-50 કિમી પ્રતિ કલાકની ઝડપે પવન ફૂંકાતા હળવાથી મધ્યમ વરસાદની શક્યતા છે. 31 માર્ચ અને 1 એપ્રિલના રોજ વિદર્ભમાં અને 1 એપ્રિલના રોજ છુટાછવાયા કરા પડવાની શક્યતા છે. મધ્ય મહારાષ્ટ્ર અને મરાઠવાડામાં પણ વરસાદ અને કરા પડવાની શક્યતા છે.

મંગળવારે દિલ્હીમાં આકાશ વાદળછાયું રહેશે. બપોરથી સાંજ દરમિયાન ખૂબ જ હળવો વરસાદ થવાની સંભાવના છે. દિલ્હીમાં મહત્તમ અને લઘુત્તમ તાપમાન અનુક્રમે 32°C અને 34°C અને 18°C થી 20°C ની વચ્ચે રહેવાની ધારણા છે. દિલ્હીના મોટાભાગના ભાગોમાં લઘુત્તમ તાપમાન સામાન્યની નજીક રહેશે.