પીએમ મોદી AI સમિટની સહ-અધ્યક્ષતા કરશે, આજે ફ્રાન્સના પ્રવાસ માટે થશે રવાના

પ્રધાનમંત્રી નરેન્દ્ર મોદી 10 થી 12 ફેબ્રુઆરી દરમિયાન ફ્રાન્સની મુલાકાતે જઈ રહ્યા છે. આ મુલાકાતનો મુખ્ય હેતુ ફ્રાન્સ દ્વારા આયોજિત આર્ટિફિશિયલ ઇન્ટેલિજન્સ (AI) સમિટમાં હાજરી આપવાનો છે. પ્રધાનમંત્રી નરેન્દ્ર મોદી ફ્રાન્સના રાષ્ટ્રપતિ ઇમેન્યુઅલ મેક્રોનના આમંત્રણ પર આ સમિટમાં હાજરી આપશે. તેઓ આ પરિષદનું સહ-અધ્યક્ષ પણ રહેશે. મુલાકાતના પહેલા દિવસે, એટલે કે 10 ફેબ્રુઆરીની સાંજે, પ્રધાનમંત્રી મોદી ફ્રાન્સના રાષ્ટ્રપતિ ઇમેન્યુઅલ મેક્રોન દ્વારા સમિટમાં ભાગ લેનારા સરકારોના વડાઓ/રાષ્ટ્રપ્રમુખો અને અન્ય અગ્રણી નેતાઓ માટે આયોજિત રાત્રિભોજનમાં હાજરી આપશે. આ રાત્રિભોજનનો ઉદ્દેશ્ય દેશોના વડાઓ વચ્ચે દ્વિપક્ષીય સંબંધોને મજબૂત બનાવવાનો અને વિવિધ વૈશ્વિક મુદ્દાઓ પર ચર્ચા કરવાનો છે. પીએમ મોદી 10 ફેબ્રુઆરીની સાંજે પેરિસ પહોંચશે વિદેશ સચિવ વિક્રમ મિશ્રાએ માહિતી આપી હતી કે વડા પ્રધાન નરેન્દ્ર મોદી 10 ફેબ્રુઆરીની સાંજે પેરિસ પહોંચશે. તે સાંજે એક ખાસ રાત્રિભોજનનું આયોજન કરવામાં આવ્યું છે. આ રાત્રિભોજન પ્રખ્યાત એલિસી પેલેસ ખાતે યોજાશે, જ્યાં ટેક ક્ષેત્રના ઘણા મુખ્ય કાર્યકારી અધિકારીઓ (CEO) પણ હાજર રહેશે. ત્રીજું ઉચ્ચ-સ્તરીય AI સમિટ વિદેશ સચિવ વિક્રમ મિશ્રીએ જણાવ્યું હતું કે આ ત્રીજી ઉચ્ચ-સ્તરીય AI સમિટ છે. અગાઉ, 2023 માં યુકેમાં અને 2024 માં દક્ષિણ કોરિયામાં સમાન પરિષદોનું આયોજન કરવામાં આવ્યું હતું. આ સમિટ દ્વારા, ટેકનોલોજીના ક્ષેત્રમાં ભારત અને ફ્રાન્સ વચ્ચે સહયોગ વધુ મજબૂત બનશે.