લોકોએ પાણીનો છંટકાવ કરી આગ પર કાબુ મેળવવાનો પ્રયાસ કર્યો
સમી તાલુકાના બાસ્પા ગામે ભંગારના એક ગોડાઉનમાં ગેસ વેલ્ડિંગ કરતી વખતે આગ લાગતા અફડાતફડી મચી જવા પામી હતી. આ આગના કારણે ધૂમાડા ના ગોટેગોટા દુર દુર સુધી દેખાતાં આજુબાજુના લોકો પણ ધટના સ્થળે દોડી આવ્યા હતા અને પાણીનો છંટકાવ કરીને આગ પર કાબુ મેળવવાનો પ્રયાસ કર્યો હતો. સદનસીબે આ ઘટનામાં કોઈ જાનહાનિ થઈ ન હોય લોકોએ હાશકારો અનુભવ્યો હતો.જોકે, ભંગારના ગોડાઉનના માલિકને આર્થિક નુકસાન થયું હોવાનું જાણવા મળ્યું છે.
