IPL 2026 ની 12મી મેચ કોલકાતા નાઈટ રાઈડર્સ અને પંજાબ કિંગ્સ વચ્ચે રમાઈ રહી છે. આ મેચ કોલકાતાના ઐતિહાસિક ઈડન ગાર્ડન્સ સ્ટેડિયમ ખાતે રમાઈ રહી છે. કોલકાતાના કેપ્ટન અજિંક્ય રહાણેએ ટોસ જીતીને પહેલા બેટિંગ કરવાનો નિર્ણય લીધો. કોલકાતાએ આ મેચ માટે પ્લેઈંગ ઈલેવનમાં બે ફેરફાર કર્યા છે. સુનીલ નારાયણ અને વરુણ ચક્રવર્તી આ મેચમાં રમી રહ્યા નથી.
કોલકાતામાં વરસાદ શરૂ થયો છે, જેના કારણે રમત અટકાવવામાં આવી છે. અત્યાર સુધી 3.4 ઓવર રમાઈ ચૂકી છે અને કેકેઆરનો સ્કોર હાલમાં બે વિકેટે 25 રન છે. ઝેવિયર બાર્ટલેટે એક જ ઓવરમાં KKR ને બેવડો ઝટકો આપ્યો. ફિન એલન 6 રન બનાવીને આઉટ થયો. ત્યારબાદ તેણે કેમેરોન ગ્રીનને બે બોલમાં ચાર રન બનાવીને આઉટ કર્યો. બે ઓવર પછી, KKR નો સ્કોર 2 વિકેટે 16 રન હતો.
