ભાવનગર-અલંગ વચ્ચે ભયાનક અકસ્માત, 7 લોકોના મોત

રાજ્યમાં વધુ કે ભયાનક અકસ્માતની ઘટના પ્રકાશમાં આવી છે. ભાવનગર-અલંગ નેશનલ હાઇવે પર કાર અને ટ્રેલર વચ્ચે ગોઝારો અકસ્માત સર્જાયો છે. આ દુર્ઘટનામાં 7 લોકોના મોત થયા છે. અકસ્માત એટલો ભયાનક હતો કે કારનો કચ્ચરઘાણ નીકળી ગયો હતો. હાલમાં તમામ મૃતદેહોને PM અર્થે હોસ્પિટલમાં ખસેડવામાં આવ્યા છે.

ઘટનાબાદ લોકોના ટોળેટોળા ઉમટી પડયા હતા. સમગ્ર ઘટનાની જાણ થતા પોલીસ ટીમ બનાવસ્થળે પહોંચી આવી હતી. ભીડને દૂર કરી મૃતદેહો પર કબ્જો મેળવી પીએમ અર્થે હોસ્પિટલમાં મોકલી આપવામાં આવ્યા હતા.