હૈદરાબાદમાં હિટ એન્ડ રનની ઘટના; કારે 9 રાહદારીઓને કચડી નાખ્યા, 7 ઘાયલ

હૈદરાબાદના કમલા નગર વિસ્તારમાં હિટ એન્ડ રનની ઘટના બની છે . એક ઝડપી ગતિએ આવતી કારે રસ્તા પર ચાલતા નવ રાહદારીઓના જૂથને પાછળથી ટક્કર મારી દીધી હતી. આ અકસ્માતમાં સાત લોકો ઘાયલ થયા હતા, જેમાંથી ત્રણની હાલત ગંભીર હોવાનું જાણવા મળે છે. આ ઘટના 29 સપ્ટેમ્બરના રોજ કુશૈગુડા પોલીસ સ્ટેશન વિસ્તારમાં બની હતી.

આ ઘટનાના સીસીટીવી ફૂટેજ પણ સામે આવ્યા છે. ફૂટેજમાં રસ્તા પર ચાલતા લોકોના એક જૂથને જોવા મળે છે. આ દરમિયાન, પાછળથી એક કાર ઝડપથી આવે છે, જે લોકોને ટક્કર મારીને ભાગી જાય છે.
પોલીસના જણાવ્યા અનુસાર, પવન નામનો ડ્રાઇવર નશામાં હતો. તેના બેદરકારીભર્યા ડ્રાઇવિંગને કારણે તેની કાર રાહદારીઓના જૂથ સાથે અથડાઈ હતી. અકસ્માત સમયે કારમાં અન્ય એક વ્યક્તિ પણ હતો.