આજે આ રાજ્યોમાં ભારે વરસાદની આગાહી

દેશભરમાં હાલમાં ચોમાસુ પૂરજોશમાં ચાલી રહ્યું છે. તેની અસર એ છે કે પર્વતોમાં ભૂસ્ખલન અને ભારે વરસાદનો ભય મંડરાઈ રહ્યો છે, ત્યારે પૂરના કારણે ઉત્તરપૂર્વ અને પશ્ચિમ ભારતમાં જનજીવન અસ્તવ્યસ્ત થઈ ગયું છે. આસામમાં ૬૮ અને ગુજરાતમાં ૫૬ લોકો મૃત્યુ પામ્યા છે, જ્યારે લાખો લોકો પૂરથી પ્રભાવિત થયા છે. રાહત અને બચાવ કામગીરી ઝડપી ગતિએ ચાલુ છે.

દરમિયાન, ભારતીય હવામાન વિભાગે બંગાળની ખાડીમાં બનેલા ઊંડા દબાણને કારણે દિલ્હી-એનસીઆર સહિત દેશના ઘણા રાજ્યોમાં ભારે વરસાદ અને જોરદાર વાવાઝોડાની નવી ચેતવણી જારી કરી છે. 28 જુલાઈથી 2 ઓગસ્ટ દરમિયાન, ઉત્તરાખંડ, હિમાચલ પ્રદેશ, જમ્મુ અને કાશ્મીર, પંજાબ, હરિયાણા, દિલ્હી, ઉત્તર પ્રદેશ, રાજસ્થાન, છત્તીસગઢ, મધ્ય પ્રદેશ, બિહાર, ઝારખંડ, ઓડિશા, પશ્ચિમ બંગાળ, ગુજરાત, મહારાષ્ટ્ર અને પૂર્વોત્તરના ઘણા રાજ્યોમાં અલગ અલગ દિવસોમાં ભારેથી અતિ ભારે વરસાદની શક્યતા છે.