GT vs RCB: ગુજરાત ટાઇટન્સે 4 વિકેટથી મેચ જીતી

ઇન્ડિયન પ્રીમિયર લીગની 19મી સીઝનની 42મી લીગ મેચ અમદાવાદના નરેન્દ્ર મોદી સ્ટેડિયમ ખાતે ગુજરાત ટાઇટન્સ અને રોયલ ચેલેન્જર્સ બેંગ્લોર વચ્ચે રમાઈ હતી. ગુજરાત ટાઇટન્સે આ મેચ ચાર વિકેટથી જીતી હતી. ગુજરાત ટાઇટન્સનો કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટિંગ કરતા RCB 19.2 ઓવરમાં 155 રનમાં ઓલઆઉટ થઈ ગયું હતું. RCB તરફથી દેવદત્ત પડિકલે સૌથી વધુ 40 રન બનાવ્યા હતા, જ્યારે વિરાટ કોહલીએ પણ 28 રન બનાવ્યા હતા. ગુજરાત ટાઇટન્સ તરફથી 28 વર્ષીય અરશદ ખાન બોલરોમાં સૌથી સફળ રહ્યો હતો, તેણે ત્રણ વિકેટ લીધી હતી. જેસન હોલ્ડર અને રાશિદ ખાને બે-બે વિકેટ લીધી હતી, જ્યારે મોહમ્મદ સિરાજ અને કાગીસો રબાડાએ એક-એક વિકેટ લીધી હતી.

લક્ષ્યનો પીછો કરવા ઉતરેલી ગુજરાત ટાઇટન્સે શુભમન ગિલ અને સાઈ સુદર્શનની ઓપનિંગ જોડી સાથે ઝડપી શરૂઆત કરી, જેમાં પ્રથમ વિકેટ માટે 42 રનની ભાગીદારી થઈ. સુદર્શન 6 રન બનાવીને આઉટ થયો અને ત્યારબાદ શુભમન ગિલે પણ 43 રન બનાવીને પોતાની વિકેટ ગુમાવી દીધી. ત્યારબાદ જોસ બટલરે 19 બોલમાં 39 રન બનાવીને ટીમનો વિજય સુનિશ્ચિત કર્યો. ગુજરાત ટાઇટન્સે 111 રન પર પાંચ વિકેટ ગુમાવી દીધી હતી. ત્યારબાદ રાહુલ તેવતિયા અને જેસન હોલ્ડરે છઠ્ઠી વિકેટ માટે 36 રનની ભાગીદારી કરીને ટીમનો વિજય સુનિશ્ચિત કર્યો. હોલ્ડરે 12 રન બનાવ્યા, જ્યારે રાહુલ તેવતિયાએ અણનમ 27 રન બનાવીને જીટીને વિજય અપાવ્યો. આરસીબી તરફથી ભુવનેશ્વર કુમારે ત્રણ વિકેટ લીધી, જ્યારે રોમારિયો શેફર્ડે બે અને સુયશ શર્માએ એક વિકેટ લીધી હતી.