ભરૂચમાં લોકશાહીના પર્વ પર અંધારપટ

રાજ્યમાં આજે એટલે કે 26 એપ્રિલના રોજ સ્થાનિક સ્વરાજ્યની ચૂંટણી માટે મતદાન થવાનું છે. રાજ્યની 15 મહાનગરપાલિકા, 84 નગરપાલિકા, 34 જિલ્લા પંચાયત અને 260 તાલુકા પંચાયતોની કુલ 9274 બેઠકો માટે મતદાન યોજાશે. મતદારો આજે સવારે 7 વાગ્યાથી સાંજના 6 વાગ્યા સુધી તેમના મતાધિકારનો ઉપયોગ કરશે. સાથે ગરમીને ધ્યાને રાખી તંત્રએ બુથ પર પાણી-ORS સહિતની ખાસ વ્યવસ્થા કરવામાં આવી છે.

ભરૂચ નગરપાલિકાના વોર્ડ નંબર 2માં આવેલા ઇકરા મતદાન મથક પર મતદાન દરમિયાન અચાનક વીજ પુરવઠો ખોરવાઈ ગયો હતો. આકરી ગરમી વચ્ચે મતદારો અને સ્ટાફ મુશ્કેલીમાં મુકાયા હતા. મતદારોએ મીણબત્તીઓ સળગાવીને અને મોબાઈલની ટોર્ચના અજવાળે મત આપવાનું ચાલુ રાખ્યું. આ ઉપરાંત EVM મશીન વારંવાર ખોટકાતું હોવાના આક્ષેપો પણ થયા હતા.