વડાપ્રધાન નરેન્દ્ર મોદીએ અમેરિકાના જાણિતા પૉડકાસ્ટર લેક્સ ફ્રીડમેન સાથે લાંબી વાતચીત કરી

(જી.એન.એસ) તા.16

અમેરિકન પોડકાસ્ટર લેક્સ ફ્રિડમેને તેમની યુટ્યુબ ચેનલ પર ભારતના વડાપ્રધાન નરેન્દ્ર મોદી સાથેનો પોડકાસ્ટ રિલિઝ કર્યો છે. આ પૉડકાસ્ટમાં પીએમ મોદીએ બાળપણ, હિમાલયમાં વિતાલેવા સમય અને જાહેર જીવનની યાત્રા સહિત અનેક વિષયો પર ચર્ચા કરી. લેક્સ ફ્રિડમેન સાથે પૉડકાસ્ટમાં વડાપ્રધાન મોદીએ કહ્યું હતું કે, ‘જ્યારે પણ અમે શાંતિની વાત કરીએ છીએ, તો દુનિયા અમારી વાત સાંભળે છે, કારણ કે ભારત ગૌતમ બુદ્ધ અને મહાત્મા ગાંધીની ભૂમિ છે.’

લેક્સ ફ્રિડમેને વડાપ્રધાન મોદીને પૂછ્યું કે એક સરળ શરૂઆત પછી, પીએમ મોદી વિશ્વના સૌથી મોટા લોકશાહી દેશના વડાપ્રધાન છે. આવી સ્થિતિમાં વિશ્વભરના ઘણા યુવાનો તેમનામાંથી પ્રેરણા લે છે. આખરે નરેન્દ્ર મોદી એવા લોકોને શું સલાહ આપવા માગશે જેઓ હજારો અને લાખોની ભીડમાં પોતાનો રસ્તો શોધવાનો પ્રયાસ કરી રહ્યા છે? આ વાતચીતનો જવાબ આપતા, પીએમ મોદીએ યુવાનોને એક ઊંડો સંદેશ આપ્યો છે. પીએમ મોદીએ કહ્યું કે રાત ગમે તેટલી અંધારી હોય, સવાર ચોક્કસ આવે છે. તેમણે કહ્યું કે આપણે ગમે તેટલી સમસ્યાઓનો સામનો કરીએ તો પણ આપણે પોતાના પર સંપૂર્ણ વિશ્વાસ રાખવો જોઈએ. મુશ્કેલીઓ વ્યક્તિને હતાશ કરવા માટે નથી આવતી પણ તેને મજબૂત બનાવવા માટે આવે છે. પીએમએ કહ્યું કે તેઓ દરેક સંકટને તક તરીકે જુએ છે. હા, પણ આ બધાની વચ્ચે વ્યક્તિએ ધીરજ રાખવી જોઈએ.

વડાપ્રધાન મોદીએ વાતચીતમાં ભારતની સંસ્કૃતિ, શાંતિ અને વૈશ્વિક કૂટનીતિ પર ભાર આપતા કહ્યું કે, ‘જ્યારે હું વિશ્વ નેતાઓ સાથે હાથ મિલાવું છું, તો એવું મોદી નહીં પરંતુ 1.4 અરબ ભારતીય કરે છે. મારી તાકાત મારા નામથી નહીં, પરંતુ ભારતની કાલાતીત સંસ્કૃતિ અને વારસાના મૂળમાં છે.’

વડાપ્રધાન મોદીએ કહ્યું કે બાળપણથી જ કંઈકને કંઈક કરતા રહેવું એ મારો સ્વભાવ હતો. મને યાદ છે કે સોનીજી સેવા દળ સાથે સંકળાયેલા હતા. વાદકો ઢોલ પોતાની પાસે રાખતા હતા. દેશભક્તિના ગીતો અને અવાજ પણ સારા હતા. વિવિધ કાર્યક્રમો હતા. હું પાગલની જેમ તેની વાતો સાંભળવા જતો, તેમણે કહ્યું કે તેઓ આખી રાત દેશભક્તિના ગીતો સાંભળતા હતા. મને એમાં મજા આવતી. રાષ્ટ્રીય સ્વયંસેવક સંઘની શાખા ચાલતી હતી. પહેલા રમતગમત થતી હતી. પહેલા દેશભક્તિના ગીતો ગાતા હતા. હું સાંભળતો હતો. સારું લાગ્યું એટલે સંઘમાં જોડાયો. તમારે સંઘના મૂલ્યો શીખવા જોઈએ, વિચારવું જોઈએ અને કંઈ પણ કરવું જોઈએ અને જો તમે અભ્યાસ કરો છો તો દેશ માટે ઉપયોગી થવાનું વિચારો. જો હું એવી કસરત કરું કે તે દેશ માટે ઉપયોગી થાય.