દિલ્હી - મુંબઈ એક્સપ્રેસ વે પરથી વડોદરાથી ભરૂચ તરફ આવતી ઈનોવા ગાડીમાં ડ્રગ્સનો જથ્થો લવાતો હોવાની બાતમીના આધારે પોલીસે વોચ ગોઠવી ટેક્સી પાસિંગની ગાડી ઝડપી પાડી તેની તપાસ કરતા નશાકારક ૧૮૦ ગ્રામ એમડી ડ્રગ્સ ઝડપી પાડયું હતું. જેની કિંમત ૧૮ લાખ થાય છે. આ ઉપરાંત અંગજડતીમાં રોકડ વગેરે મળી ૨૦.૨૨ લાખના મુદ્દામાલ સાથે ૩ લોકોને પકડી લીધા હતા. દિલ્હી - મુંબઈ એક્સપ્રેસ વે ઉપર વડોદરાથી ભરૂચ તરફ સફેદ ઈનોવા ગાડીમાં કેટલાક ઈસમો માદક કેફી પદાર્થ લઈ વેચાણ માટે હેરાફેરી કરતા હોવાની બાતમી ભરૂચ તાલુકા પોલીસ મથકના પીઆઈ પ્રકૃતિ ઝણકાટને મળી હતી. તેઓએ પોલીસ સ્ટાફ સાથે એક્સપ્રેસ વે ઉપર વોચ ગોઠવી હતી. જે દરમિયાન શંકાસ્પદ ગાડીને રોકી તપાશી લેતા તેમાંથી ૧૮૦ ગ્રામ એમડી ડ્રગ્સ મળ્યું હતું.
