પાકિસ્તાનમાં મોટો અકસ્માત: મુસાફરોથી ભરેલી બસ ખાઈમાં પડી, 40 લોકોના મોત

ઉત્તર પશ્ચિમ પાકિસ્તાનના ખૈબર પખ્તુનખ્વામાં એક બસ ખીણમાં પડી જતાં મહિલાઓ અને બાળકો સહિત ઓછામાં ઓછા 40 લોકોના મોત થયા છે. પેશાવર જતી બસ બલુચિસ્તાનના ક્વેટાથી નીકળી હતી. અધિકારીઓએ જણાવ્યું હતું કે બસ ખૈબર પખ્તુનખ્વા પ્રાંતના ડેરા ઇસ્માઇલ ખાન જિલ્લામાં પહોંચી ત્યારે આ અકસ્માત થયો હતો. પ્રારંભિક તપાસમાં જાણવા મળ્યું છે કે બસની બ્રેક ફેલ થઈ ગઈ હતી, જેના કારણે ડ્રાઇવરે પહાડી વિસ્તારમાં અચાનક વળાંક લેતી વખતે કાબુ ગુમાવ્યો હતો. બસ રસ્તા પરથી લપસી ગઈ અને ખીણમાં પડી ગઈ. જોકે, અધિકારીઓએ જણાવ્યું હતું કે અકસ્માતનું કારણ જાણવા માટે તપાસ શરૂ કરવામાં આવી છે.