બોમ્બની ધમકી બાદ લખનૌ-દમ્મમ ફ્લાઇટનું અમદાવાદ એરપોર્ટ પર ઇમરજન્સી લેન્ડિંગ

લખનૌથી દમ્મામ (સાઉદી અરેબિયાનું એક શહેર) જતી ઇન્ડિગોની ફ્લાઇટને બોમ્બની ધમકી મળ્યા બાદ અમદાવાદ એરપોર્ટ પર ઇમરજન્સી લેન્ડિંગ કરવામાં આવી હતી. એરપોર્ટ પર સુરક્ષા એજન્સીઓને તાત્કાલિક એલર્ટ કરવામાં આવી હતી, જેના કારણે વિમાનમાં સવાર મુસાફરોમાં ગભરાટ ફેલાયો હતો.

લેન્ડિંગ પછી, સુરક્ષા પ્રોટોકોલ મુજબ વિમાનને આઇસોલેશન એરિયામાં લઈ જવામાં આવ્યું. ત્યારબાદ સુરક્ષા એજન્સીઓએ વિમાનનું નિરીક્ષણ શરૂ કર્યું. મુસાફરો અને ક્રૂની સલામતીને પ્રાથમિકતા આપતા, એરપોર્ટ પર તમામ જરૂરી સુરક્ષા પ્રક્રિયાઓનું પાલન કરવામાં આવી રહ્યું છે. વિમાનનું સંપૂર્ણ નિરીક્ષણ કર્યા પછી જ ભવિષ્યની કાર્યવાહી સ્પષ્ટ થશે. સમાચાર એજન્સી ANI અનુસાર, ઇન્ડિગો ફ્લાઇટમાં એક ક્રૂ મેમ્બરને વિમાનની અંદર "બોમ્બ" શબ્દ લખેલો કાગળનો ટુકડો મળ્યો. લખનૌ-દમ્મમ 6E 97 ફ્લાઇટમાં 107 મુસાફરો અને છ ક્રૂ સભ્યો હતા. પોલીસે જણાવ્યું હતું કે એરપોર્ટના ટર્મિનલ 2 પર બધા મુસાફરો અને ક્રૂ સુરક્ષિત છે.

અમદાવાદ પોલીસે સમગ્ર મામલા પર જણાવ્યું હતું કે, "વિમાનના ઈમરજન્સી લેન્ડિંગ પછી, સ્પેશિયલ ઓપરેશન ગ્રુપ (SOG), સ્થાનિક પોલીસ અને CISF એ ફ્લાઈટની તલાશી લીધી. ફ્લાઈટમાં કંઈ શંકાસ્પદ વસ્તુ મળી ન હતી." લેન્ડિંગ પછી, સ્પેશિયલ ઓપરેશન ગ્રુપ (SOG), સ્થાનિક પોલીસ અને સેન્ટ્રલ ઈન્ડસ્ટ્રીયલ સિક્યુરિટી ફોર્સ (CISF) એ ફ્લાઈટની સઘન તપાસ કરી. પોલીસના જણાવ્યા અનુસાર, ફ્લાઈટમાં કોઈ શંકાસ્પદ વસ્તુ કે સામગ્રી મળી આવી નથી.