દિવાળીની ઉજવણીના નામે અસમાજિક તત્વો બેફામ ન બને તે માટે પોલીસ તંત્ર તહેવારોમાં પણ સજાગ રહી લોકોની સુરક્ષા કરી રહ્યું હતું. તહેવારની ઉજવણીની આડમાં અસામાજિક તત્વો દ્વારા નાગરિકોને નુકસાન ન પહોંચે તેમજ તહેવારના રંગમાં ભંગ ન પડે તે માટે પોલીસ તંત્ર પોતાની ફરજ પર હતું. આ દરમિયાન રાજકોટ પોલીસે શહેરમાં હથિયાર અને જીવતા કાર્ટીઝ ગાડીમાં ભરીને લઈ જતાં ચાર શખસોને પકડી પાડ્યાં છે. રાજકોટ-અમદાવાદ હાઇવે પર પોલીસને એક શંકાસ્પદ કાર જતી જોવા મળી. પોલીસે આ કારને રોકી તપાસ કરી તો તેમાંથી 1 દેશી પિસ્ટોલ અને 4 જીવતા કાર્ટીઝ મળી આવ્યા હતાં. પોલીસે તપાસ દરમિયાન મળેલાં હથિયાર અને કાર સહિત 3.45 લાખનો મુદ્દામાલ જપ્ત કર્યો છે.
