શિહોરી અને ભીલડી પોલીસ સ્ટેશનના બે ગુનાઓમાં ફરાર હતો
બનાસકાંઠા પોલીસે દોઢ વર્ષથી ફરાર થઈ રહેલા પ્રોહીબીશનના ગુનાના આરોપી સંજયકુમાર બિશ્નોઈની ધાનેરા ખાતેથી ધરપકડ કરી છે. આરોપી સામે શિહોરી તથા ભીલડી પોલીસ સ્ટેશનમાં પ્રોહીબીશન સંબંધિત બે અલગ-અલગ ગુનાઓ નોંધાયેલા હતા અને તે લાંબા સમયથી પોલીસ પકડથી દૂર રહ્યો હતો.
પોલીસને ચોક્કસ બાતમી મળી હતી કે, શિહોરી પોલીસ સ્ટેશનમાં નોંધાયેલા પ્રોહીબીશનના ગુનામાં સંડોવાયેલો આરોપી સંજયકુમાર બિશ્નોઈ રાજસ્થાન તરફથી ગુજરાતમાં ધાનેરા તરફ આવવાનો છે. આ બાતમીના આધારે શિહોરી પોલીસે વોચ ગોઠવી કાર્યવાહી હાથ ધરી હતી.
દરમિયાન પોલીસે ધાનેરા વિસ્તારમાંથી આરોપી સંજયસિંહ જયરામભાઈ બિશ્નોઈને ઝડપી પાડી તેની સામે કાયદેસરની કાર્યવાહી હાથ ધરી છે. આરોપીની ધરપકડથી પ્રોહીબીશનના ગુનાઓમાં વધુ તપાસ આગળ ધપાવવામાં આવી રહી છે.
