અફઘાનિસ્તાનના પૂર્વ ભાગમાં ફરી એકવાર ભૂકંપનો આંચકો આવ્યો છે. મંગળવારે સાંજે હિન્દુકુશ ક્ષેત્રમાં આ ભૂકંપ આવ્યો હતો. રિક્ટર સ્કેલ પર તેની તીવ્રતા 5.2 નોંધાઈ હતી. ભૂકંપના આંચકાથી ડરીને લોકો ઘરોમાંથી બહાર નીકળી ગયા હતા. 48 કલાકની અંદર અફઘાનિસ્તાનમાં આ બીજો મોટો ભૂકંપ છે. મંગળવારે હિન્દુકુશ ક્ષેત્રમાં આવેલા ભૂકંપમાં કોઈ જાનહાનિ થઈ છે કે કેમ તેની માહિતી હજુ સુધી ઉપલબ્ધ નથી. ભૂકંપના આંચકાને કારણે લોકોમાં ગભરાટનો માહોલ છે હિન્દુ કુશ પર્વતમાળાનો મોટો ભાગ અફઘાનિસ્તાનમાં ફેલાયેલો છે. હિન્દુ કુશ અફઘાનિસ્તાનની ભૌગોલિક અને સાંસ્કૃતિક ઓળખનો એક મહત્વપૂર્ણ ભાગ છે, જે દેશને પાકિસ્તાન અને મધ્ય એશિયાઈ દેશો સાથે જોડે છે. મંગળવારે સાંજે આવેલા ભૂકંપનું કેન્દ્રબિંદુ રવિવારે મોડી રાત્રે આવેલા 6.0 ની તીવ્રતાના ભૂકંપના સ્થળની નજીક હતું, જેણે પાકિસ્તાનની સરહદ નજીકના પર્વતીય પ્રાંતોના દૂરના વિસ્તારોમાં તબાહી મચાવી હતી. તમને જણાવી દઈએ કે 1 સપ્ટેમ્બરના રોજ રાત્રે 11:47 વાગ્યે (સ્થાનિક સમય) અફઘાનિસ્તાનના નંગરહાર અને કુનાર પ્રાંતોમાં 6.0 ની તીવ્રતાનો ભૂકંપ આવ્યો હતો. તેનું કેન્દ્રબિંદુ જલાલાબાદથી 27 કિલોમીટર પૂર્વ-ઉત્તર-પૂર્વમાં 8-10 કિલોમીટરની ઊંડાઈએ હતું. ભૂકંપમાં લગભગ 1400 લોકોએ જીવ ગુમાવ્યા હતા. 3000 થી વધુ લોકો ગંભીર રીતે ઘાયલ થયા હતા.
૧૪૦૦ લોકોના જીવ લીધા બાદ, અફઘાનિસ્તાનમાં ફરી એક ભયંકર ભૂકંપ આવ્યો, જાણો હવે તેની તીવ્રતા કેટલી છે?
