ન્યૂઝીલેન્ડના સ્ટાર ક્રિકેટર માર્ટિન ગુપ્ટિલે આંતરરાષ્ટ્રીય ક્રિકેટમાંથી નિવૃત્તિની જાહેરાત કરી છે. તેની 14 વર્ષની લાંબી કારકિર્દીમાં તેણે કીવી ટીમને ઘણી મેચોમાં જીત અપાવી અને પોતાની દમદાર બેટિંગથી ઘણા રેકોર્ડ તોડ્યા. તે ન્યૂઝીલેન્ડ માટે ODI ક્રિકેટમાં સૌથી વધુ રન બનાવવાના મામલે ત્રીજા સ્થાને છે. તે ભલે આંતરરાષ્ટ્રીય ક્રિકેટમાંથી નિવૃત્તિ લઈ રહ્યો હોય, પરંતુ ફ્રેન્ચાઈઝી ક્રિકેટ રમવાનું ચાલુ રાખશે. માર્ટિન ગુપ્ટિલે તેની નિવૃત્તિ પર કહ્યું કે નાના બાળક તરીકે ન્યુઝીલેન્ડ માટે રમવું હંમેશા મારું સપનું હતું અને હું મારા દેશ માટે 367 મેચ રમીને ભાગ્યશાળી અને ગર્વ અનુભવું છું. ટીમ સાથે મેં બનાવેલી યાદોને હું હંમેશા યાદ રાખીશ. હું મારા સાથી ખેલાડીઓ અને કોચિંગ સ્ટાફનો ખૂબ ખૂબ આભાર કહેવા માંગુ છું, ખાસ કરીને માર્ક ઓ'ડોનેલ, જેમણે મને અંડર 19 સ્તરથી કોચિંગ આપ્યું છે અને મારી સમગ્ર કારકિર્દી દરમિયાન સતત સમર્થન આપ્યું છે. મેનેજર લીએન મેકગોલ્ડ્રીકનો પણ વિશેષ આભાર માનવો જોઈએ. મારી પત્ની લૌરા અને અમારા બાળકો હાર્લી અને ટેડીનો પણ આભાર. આ તમામ રમતમાં ઉતાર-ચઢાવ દરમિયાન મારા સમર્થક હતા અને હંમેશા મારી સાથે રહ્યા હતા. હું હંમેશા તેમનો આભારી રહીશ. અંતમાં તેણે ચાહકોનો પણ આભાર માન્યો હતો.
આ ખેલાડીએ અચાનક નિવૃત્તિની કરી જાહેરાત, વર્લ્ડ કપમાં ટીમ ઈન્ડિયાને આપ્યો હતો ઊંડો ઘા
