દિલ્હી હાઈકોર્ટે દિલ્હી પોલીસ અને કેન્દ્ર સરકારને નોટિસ ફટકારીને પ્રદર્શનકારીઓ સામે થયેલી ક્રૂર હિંસાની ઘટનાઓનો જવાબ માંગ્યો છે. હાઈકોર્ટે સીસીટીવી ફૂટેજ, બોડીકેમ ફૂટેજ અને અન્ય રેકોર્ડ સાચવવાનો નિર્દેશ આપ્યો છે.
દિલ્હી હાઈકોર્ટે ભારત સરકારના કાનૂની અધિકારી, એડિશનલ સોલિસિટર જનરલ (એએસજી) રાજુને પૂછ્યું, "તમે કેવી રીતે કહી શકો છો કે આ પ્રચાર માટે દાખલ કરવામાં આવેલી અરજી છે? જ્યારે સુપ્રીમ કોર્ટનો નિર્ણય આવી રહ્યો છે અને આટલી મોટી સંખ્યામાં લોકો સામેલ છે, તો તમે કેવી રીતે કહી શકો છો કે લોકોએ અલગ અલગ એફઆઈઆર દાખલ કરવી જોઈએ?"
સરકારે હાઈકોર્ટને જણાવ્યું હતું કે, "કોકરોચ જનતા પાર્ટી (CJP)નો વિરોધ શાંતિપૂર્ણ નહોતો. કેટલાક વિરોધીઓએ હિંસાનો આશરો લીધો હતો. આ અરજીઓ પ્રસિદ્ધિ મેળવવા માટે દાખલ કરવામાં આવી છે." ASG એ હાઈકોર્ટને જણાવ્યું હતું કે, "હુમલાનો આરોપ લગાવનારા લોકોએ કોઈ FIR કે અરજી દાખલ કરી નથી."
દિલ્હી હાઈકોર્ટે ચાર અઠવાડિયામાં નોટિસનો જવાબ આપવા વિનંતી કરી છે. હાઈકોર્ટે અરજદારને પોતાનો જવાબ દાખલ કરવા માટે બે અઠવાડિયાનો સમય પણ આપ્યો છે. આ કેસમાં આગામી સુનાવણી 11 સપ્ટેમ્બરના રોજ થશે.
