PM મોદી ઓસ્ટ્રેલિયન પીએમ અલ્બેનીઝને મળ્યા

પ્રધાનમંત્રી નરેન્દ્ર મોદી ગુરુવારે મેલબોર્નમાં ઓસ્ટ્રેલિયાના પ્રધાનમંત્રી એન્થોની અલ્બેનીઝને મળ્યા, જે તેમના ત્રણ દેશોના પ્રવાસના બીજા તબક્કામાં હતું. બંને દેશો વચ્ચે સંરક્ષણ, સુરક્ષા, વેપાર, રોકાણ, શિક્ષણ, લોકો વચ્ચેના સંબંધો અને નવી ટેકનોલોજી સહિતના મુખ્ય મુદ્દાઓ પર ચર્ચા થવાની અપેક્ષા છે. બેઠક બાદ, પીએમ મોદી અને અલ્બેનીઝ ભારત-ઓસ્ટ્રેલિયા સીઈઓ ફોરમ અને આર્થિક રોડમેપ બિઝનેસ રિસેપ્શનમાં હાજરી આપી હતી.

સીઈઓ ફોરમને સંબોધતા પીએમ મોદીએ કહ્યું, કે  આજે, આ હોલમાં, ભારત અને ઓસ્ટ્રેલિયાની વ્યાપાર શક્તિ અને વ્યાપારિક મહત્વાકાંક્ષા એકસાથે દેખાય છે. આજે, વિશ્વ અનિશ્ચિતતા, પુરવઠા શૃંખલામાં વિક્ષેપો અને ઉર્જા સંકટ જેવા પડકારોનો સામનો કરી રહ્યું છે. આવા સમયે, ભારત અને ઓસ્ટ્રેલિયા માટે કુદરતી અને વિશ્વસનીય ભાગીદારો તરીકે આગળ વધવું માત્ર સ્વાભાવિક જ નહીં પણ અત્યંત મહત્વપૂર્ણ પણ છે.