ટીમ ઈન્ડિયાની સિરીઝ જીતવાની ખાતરી, વેસ્ટ ઈન્ડિઝને આગામી 2 મેચમાં મળશે હાર!

Sports
Sports

ભારતીય ટીમ આ સમયે વેસ્ટ ઇન્ડીઝના પ્રવાસ પર છે અને પાંચ મેચોની T20 સિરીઝમાં રમી રહી છે. આ સિરીઝની શરૂઆતી 2 મેચમાં ટીમ ઇન્ડિયાની હાર થઈ, પરંતુ ત્રીજી મેચમાં ભારતે જીત મેળવી છે. હવે ટીમ ઇન્ડિયાની નજર બાકી રહેલી બે મેચ જીતીને સિરીઝ પોતાનાં નામે કરવાની છે. આમ તો સતત બે મેચ હારીને બાકીની ત્રણ મેચ જીતવી કોઈ પણ ટીમ માટે સરળ નથી પરંતુ ત્રીજી મેચ જીતીને ટીમ ઇન્ડિયા આ રસ્તા પર છે અને તે સિરીઝ જીતે તો પણ નવાઈ નથી. એનું કારણ ભારત અને વેસ્ટ ઈન્ડિઝ વચ્ચેની આગામી મેચોનું મેદાન છે, જ્યાં ટીમ ઇન્ડિયાનો દબદબો છે.

ભારત અને વેસ્ટ ઈન્ડિઝે અત્યાર સુધીમાં ત્રણ મેચ વેસ્ટ ઇન્ડીઝમાં રમી છે પરંતુ બાકીની બે મેચ ફ્લોરિડાનાં લોડરહિલમાં રમાશે. અહીં ન તો ટીમ ઇન્ડિયા પહેલી વાર રમી રહી છે કે ન તો વેસ્ટ ઇન્ડીઝની ટીમ. આ મેદાન પર જે આંકડાં છે તેમાં ભારતનો દબદબો છે અને આ કારણે જો ટીમ ઇન્ડિયા આગામી બે મેચ જીતીને સિરીઝ પોતાનાં નામે કરે તો પણ કોઈ નવાઈ નથી.

લોડરહિલમાં સેન્ટ્રલ બ્રોવર્ડ રિજનલ પાર્ક સ્ટેડિયમ ટર્ફ ગ્રાઉન્ડ પર આ મેચ યોજાશે.અહીં ટીમ ઈન્ડિયાનો એકતરફી જોશ રહ્યો છે. ટીમ ઈન્ડિયાએ વેસ્ટ ઈન્ડિઝ પર સંપૂર્ણ રીતે વર્ચસ્વ જમાવી દીધું છે. ભારત અને વેસ્ટ ઈન્ડિઝ વચ્ચે અત્યાર સુધીમાં અહીં કુલ છ મેચ રમાઈ છે. આ છ મેચોમાંથી ભારતે ચાર મેચ જીતી છે જ્યારે વેસ્ટ ઈન્ડિઝની ટીમ માત્ર એક મેચ જીતી શકી છે, એક મેચ અનિર્ણિત રહી હતી.

ભારત અને વેસ્ટ ઈન્ડિઝ વચ્ચે અહીં 27 ઓગસ્ટ 2016ના રોજ પ્રથમ મેચ રમાઈ હતી, જેમાં વેસ્ટ ઈન્ડિઝ એક રનથી જીત્યું હતું. આ મેચના બીજા દિવસે રમાયેલી મેચનું પરિણામ મળી શક્યું નથી.આ પછી ભારત અને વેસ્ટ ઈન્ડિઝ વચ્ચે 2019માં અહીં બે મેચ રમાઈ છે. 3 અને 4 ઓગસ્ટે રમાયેલી મેચમાં ભારતે જીત મેળવી હતી. ત્યારબાદ આ બંને ટીમો અહીં 6 અને 7 ઓગસ્ટ, 2022ના રોજ આમને-સામને આવી હતી અને ભારતે બંને મેચ જીતી હતી.

આ આંકડાઓને જોતા સ્પષ્ટ થાય છે કે અહીં ટીમ ઈન્ડિયાનો દબદબો છે અને તેને આ મેદાન ખૂબ જ પસંદ છે. આવી સ્થિતિમાં ટીમ ઈન્ડિયા અહીં આગામી બે મેચ જીતે તો નવાઈ નહીં. પરંતુ ટી-20માં વેસ્ટ ઈન્ડિઝની ટીમને ઓછી આંકવી એ ભૂલ હોઈ શકે છે. કોઈને અપેક્ષા નહોતી કે આ ટીમ શરૂઆતની બંને મેચ જીતીને ભારતને મુશ્કેલીમાં મૂકી શકે છે, પરંતુ આ ટીમે તે કરી બતાવ્યું. એટલા માટે વેસ્ટ ઈન્ડિઝને નબળું માનવું એ ભારતની ભૂલ હોઈ શકે છે અને ટીમ ઈન્ડિયા પણ આ જાણે છે, તેથી તે વેસ્ટ ઈન્ડિઝને હળવાશથી નહીં લે.


  • Sign up
Lost your password? Please enter your username or email address. You will receive a link to create a new password via email.