રોયલ ચેલેન્જર્સ બેંગ્લોરની ટીમે ભુવનેશ્વર કુમારને 10.75 કરોડ રૂપિયામાં અને મુંબઈએ દીપકને 9.25 કરોડમાં ખરીદ્યો

એક સમયે ભારતીય ટીમ માટે મર્યાદિત ઓવરોમાં ઝડપી બોલિંગ આક્રમણનું નેતૃત્વ કરનાર ભુવનેશ્વર કુમાર છેલ્લા બે વર્ષથી ટીમની બહાર છે, પરંતુ તેમ છતાં તેનું પ્રદર્શન આઈપીએલ  2025ની મેગા ઓક્શનમાં જોવા મળ્યું હતું. ગત આઈપીએલ સિઝનમાં સનરાઈઝર્સ હૈદરાબાદ ટીમનો ભાગ રહેલા ભુવનેશ્વરને આ વખતે તેની ફ્રેન્ચાઈઝીએ જાળવી રાખ્યો નથી. મેગા ઓક્શનમાં રોયલ ચેલેન્જર્સ બેંગ્લોરની ટીમે પોતાના પર્સમાંથી 10.75 કરોડ રૂપિયા ખર્ચીને ભુવનેશ્વરને પોતાની ટીમનો ભાગ બનાવ્યો હતો. ભુવનેશ્વરની ગણતરી આઈપીએલ ના દિગ્ગજ બોલરોમાં થાય છે.

ભુવનેશ્વર કુમારનું આઈપીએલમાં અત્યાર સુધીનું પ્રદર્શન

આઈપીએલમાં પર્પલ કેપ જીતનાર ભુવનેશ્વર કુમારના પ્રદર્શન પર નજર કરીએ તો આ ટી20 લીગમાં 176 મેચ રમીને ભુવી 27.23ની એવરેજથી 181 વિકેટ લેવામાં સફળ રહ્યો છે, જેમાં તેણે 5 વિકેટ પણ લીધી છે. એક મેચમાં બે વખત વિકેટ પોતાના નામે કરવામાં સફળ રહ્યો છે. IPLમાં ભુવનેશ્વર કુમારનો ઈકોનોમી રેટ 7.56 રહ્યો છે.

મુંબઈએ દીપકને 9.25 કરોડમાં ખરીદ્યો

દીપક ચહરને ખરીદવા માટે મુંબઈ ઈન્ડિયન્સ અને ચેન્નાઈ સુપર કિંગ્સ વચ્ચે બોલી યુદ્ધ ચાલી રહ્યું હતું. વચ્ચે પંજાબ કિંગ્સે પણ દીપક માટે બોલી લગાવી, પરંતુ અંતે મુંબઈની ટીમ જીતી ગઈ. મુંબઈએ દીપકને 9.25 કરોડમાં ખરીદ્યો છે. જ્યારે આ પહેલા દીપકને ચેન્નાઈની ટીમમાં સામેલ કરવામાં આવ્યો હતો. ત્યારે તેને 14 કરોડ રૂપિયા મળતા હતા. હવે તેને 4.75 કરોડ રૂપિયાનું નુકસાન થયું છે અને જો તે મુંબઈની ટીમ સાથે આઈપીએલમાં રમે છે તો તેને માત્ર 9.25 કરોડ રૂપિયા જ મળશે.