રોમાના મોરિન્હોની મેનેજર તરીકે 1000 મેચ પૂરી કરી

Sports
Sports 21

ઈટાલિયન ફૂટબોલ લીગ સીરી-એમાં રોમાએ સસુઓલોને 2-1થી હરાવી. રોમા માટે બ્રાયન ક્રિસ્ટેન્ટે 37મી અને સ્ટીફન એલ શરાવીએ ઈન્જરી ટાઈમમાં ગોલ કર્યા. જેમા સસુઓલો માટે ફિલિપ ડુરિસિચે 57મી મિનિટે ગોલ કર્યો હતો. ત્યારે મેનેજર તરીકે રોમાના જોન્સ મોરિન્હોની આ 1000મી મેચ હતી. જેમાંથી તેમણે 640 જીતી છે અને 158માં પરાજયનો સામનો કર્યો છે જ્યારે 204 મેચ ડ્રો રહી છે. આમ 58 વર્ષના મોરિન્હોએ 2000માં બેનફિકા માટે કોચિંગ તરીકે ડેબ્યૂ કર્યું હતું. જેમા તેઓ ચેલ્સી,ઈન્ટર મિલાન,માનચેસ્ટર યુનાઈટેડ અને રિયલ મેડ્રિડ જેવી મોટી ક્લબના મેનેજર રહી ચુક્યા છે. 2004માં તેમના કોચિંગમાં પોર્ટુગલની ક્લબ પોર્ટોએ ચેમ્પિયન્સ લીગ જીતી હતી. જ્યારે બીજી એક મેચમાં એસી મિલાને લાજિયોને 2-0થી હરાવી હતી. રાફેલ લિયોએ 45મી અને ઈબ્રાહિમોવિચે 66મી મિનિટે ગોલ કર્યો હતો. 39 વર્ષના ઈબ્રાહિમોવિચે સળંગ 24મી સિઝનમાં ગોલ કર્યો છે. ઈન્ટર મિલાને અત્યાર સુધી રમેલી ત્રણેય મેચ જીતી છે. સ્પેનિશ ફૂટબોલ લીગ લા લિગામાં રિયલ મેડ્રિડના કરીમ બેન્જેમાની હેટ્રિકની મદદથી સેલ્ટા વિગોને 5-2થી હરાવી. આ મેચ રિયલના સેન્ટિયાગો બર્નબ્યૂ પર રમાઈ હતી. ટીમ પોતાના ટ્રેનિંગ સેન્ટર ખાતેના અલ્ફ્રેડો ડિ સ્ટેફાનો સ્ટેડિયમમાં ઘરેલુ મેચ રમતી હતી. આ જીત પછી મેડ્રિડના 4 મેચમાં 10 પોઈન્ટ થયા છે અને ટીમ ટેબલમાં ટોપ પર પહોંચી છે.


  • Sign up
Lost your password? Please enter your username or email address. You will receive a link to create a new password via email.