ભારતના ભૂતપૂર્વ ફાસ્ટ બોલર આશિષ નેહરા અમદાવાદ IPL ટીમના મુખ્ય કોચ હશે
ઈન્ડિયન પ્રીમિયર લીગ (IPL)ની 15મી સિઝનમાં આઠને બદલે 10 ટીમો રમવા જઈ રહી છે. ભારતીય ક્રિકેટ બોર્ડ (BCCI) એ ગયા વર્ષે અમદાવાદ અને લખનૌ ફ્રેન્ચાઈઝીના નામ પણ જાહેર કર્યા હતા. હવે બંને ફ્રેન્ચાઇઝી તેમની પ્રથમ સિઝન માટે વ્યૂહરચના બનાવવામાં વ્યસ્ત છે.
અમદાવાદ ફ્રેન્ચાઇઝીએ તેના કોચિંગ સેટઅપને લગભગ આખરી ઓપ આપી દીધો છે. ભારતના ભૂતપૂર્વ ફાસ્ટ બોલર આશિષ નેહરા અમદાવાદ IPL ટીમના મુખ્ય કોચ હશે, જ્યારે ઇંગ્લેન્ડના ભૂતપૂર્વ ઓપનર વિક્રમ સોલંકી તેના ક્રિકેટ ડિરેક્ટર હશે. આ સિવાય ભૂતપૂર્વ વર્લ્ડ કપ વિજેતા ભારતના કોચ ગેરી કર્સ્ટન આ ટીમના મેન્ટર હશે. IPLના એક સૂત્રએ જણાવ્યું કે,
“આશિષ અમદાવાદની ટીમનો મુખ્ય કોચ હશે. સોલંકી ક્રિકેટ અને બેટિંગ કોચના ડિરેક્ટર હશે, જ્યારે કર્સ્ટન તેના મેન્ટર હશે. સૂત્રએ જણાવ્યું હતું કે, “અમદાવાદની ટીમ હજુ ઔપચારિક જાહેરાત કરી શકતી નથી કારણ કે તે ઇરાદા પત્ર પ્રાપ્ત કર્યા પછી જ કરી શકાય છે. આ ત્રણેયની અમદાવાદની ટીમના ઉચ્ચ અધિકારીઓ દ્વારા મુલાકાત લેવામાં આવી છે અને તેમની આ સિઝન માટે પસંદગી કરવામાં આવી છે.