ઓલ ઈંગ્લેન્ડ બેડમિંટન ઓપનની સેમિફાઈનલમા તૃષા જોલી-ગાયત્રી ગોપીચંદની જોડી પહોચી

ભારતની તૃષા જોલી અને ગાયત્રી ગોપીચંદની જોડી બેડમિંટનની પ્રતિષ્ઠિત ઓલ ઈંગ્લેન્ડ ચેમ્પિયનશિપ જીતવાની રેસમાં બાકી રહી છે.ત્યારે તૃષા અને ગાયત્રીએ ક્વાર્ટર ફાઈનલમાં ચીનની લી વેન્મેઈ અને લીયુ ક્ષુએનક્ષુએનની જોડીને ત્રણ ગેમના ભારે સંઘર્ષ બાદ 21-14,18-21,21-12થી હરાવી હતી.ત્યારે સેમિફાઈનલમાં આ બિનક્રમાંકિત જોડીની ટક્કર સાઉથ કોરિયાની બેઈક હા-ના અને લી શો-હી સામે થશે.જેમા સાઉથ કોરિયાની જોડીએ 8મો સીડ ધરાવતી ઈન્ડોનેશિયાની રાહાયુ-રામા ધન્તીને 21-11,14-21,21-14થી પરાજીત કરી હતી.આ અગાઉ કિદામ્બી શ્રીકાંત,એચ.એસ પ્રનોય તેમજ લક્ષ્ય સેન પ્રિ-ક્વાર્ટર ફાઈનલમા હારી જતાં સિંગલ્સમાં ભારતના પડકારનો અંત આવી ગયો હતો.આ સિવાય ગત વર્ષે ઓલ ઈંગ્લેન્ડ ચેમ્પિયનશિપની ફાઈનલમાં પ્રવેશેલા યુવા ખેલાડી લક્ષ્ય સેનનો ડેનમાર્કના એન્ટોનસેન સામે 13-21,15-21થી પરાજય થયો હતો.ત્યારે તેની સાથે પ્રિ-ક્વાર્ટર ફાઈનલમાં પ્રવેશેલા એચ.એસ.પ્રનોયનો ઈન્ડોનેશિયાના એન્થોની જીન્ટિંગ સામે 20-22,21-15, 17-21ના મુકાબલા બાદ હાર થઈ હતી.જેમા કિદામ્બી શ્રીકાંત જાપાનના નારાઓકા સામે 17-21,15-21થી હારતાં બહાર ફેંકાયો હતો.બીજીતરફ વિમેન્સ સિંગલ્સમાં સાયના નેહવાલ ટુર્નામેન્ટના પ્રારંભ અગાઉથી જ ખસી ગઈ હતી.જ્યારે સિંધુ પ્રથમ રાઉન્ડમાં હારી ગઈ હતી.સાત્વિકસાઈરાજ અને ચિરાગ શેટ્ટીની મેન્સ ડબલ્સની જોડીની પાસેથી ભારતને આશા હતી.જેમા તેઓ પણ પ્રિ-ક્વાર્ટર ફાઈનલમાં ચીનના લિએંગ વેઈ કેંગ અને વાંગ ચાંગ સામે 21-10,17-21,19-21 થી હારી ગયા હતા.