ટોબેકો કંટ્રોલ સેલ દ્વારા 62 તમાકુ વેચતા દુકાનદારોને દંડ ફટકારાયો
સાબરકાંઠા જિલ્લામાં આરોગ્ય વિભાગ દ્વારા ગત ડિસેમ્બરમાં ટોબેકો કંટ્રોલ સેલની ડ્રાઇવ દરમિયાન જિલ્લાના પાંચ તાલુકાના 62 વેપારીઓ કાયદાની વિવિધ જોગવાઈઓના ભંગ કરતાં પકડાયા હતા અને તેમની પાસેથી કુલ રૂ.10,450 નો દંડ વસૂલ કરાયો હતો.
સાબરકાંઠા જિલ્લા આરોગ્ય અધિકારી ડો.રાજ સુતરીયાના માર્ગદર્શન હેઠળ જિલ્લા ટોબેકો કન્સલ્ટન્ટ ડો.પ્રવિણ ડામોરના માર્ગદર્શન હેઠળ ટોબેકો કંટ્રોલ સેલ દ્વારા ડ્રાઇવ યોજાઇ હતી. ટોબેકો કંટ્રોલ સેલમાં ફરજ બજાવતા સાયકોલોજીસ્ટ નેહા સિસોદિયા અને સોશિયલ વર્કર અરવિંદસિંહ ચંપાવત તથા પોલીસના સહયોગથી પ્રાંતિજ, ઇડર, વડાલી, તલોદ અને પોશીના તાલુકા વિસ્તારમાં તમાકુ નિયંત્રણ અધિનિયમ-03ના અમલીકરણ અને જનજાગ્રૃતિ અર્થે ડિસેમ્બર માસમાં ડ્રાઇવ યોજાઇ હતી.
You may also like
