પોશીના અને વિજયનગરમાં પોણો-પોણો ઇંચ વરસાદ

સાબરકાંઠા જિલ્લામાં શનિવારે દિવસ દરમિયાન પોશીના અને વિજયનગર તાલુકામાં પોણો-પોણો ઇંચ વરસાદ નોંધાયો હતો તો બાકીના તાલુકામાં વરસાદી ઝાપટા પડ્યા હતા.આ અંગે ની વિગત એવી છે કે ભારે વરસાદની આગાહી વચ્ચે જિલ્લામાં વહેલી સવારથી વાદળોથી આકાશ ગોરંભાયું હતું. બપોર બાદ આઠમાંથી છ તાલુકામાં 1 મિમી થી 23 મિમી વરસાદ વરસ્યો હતો. જોકે પ્રાંતિજ અને તલોદ સિવાયના તાલુકાઓમાં દિવસ દરમિયાન વરસાદી ઝાપટા પડ્યા હતા. તો વિજયનગર અને પોશીનામાં પોણો-પોણો ઇંચ વરસાદ વરસ્યો છે. અસહ્ય બાફ અને ઉકળાટ બાદ વરસાદ વરસતા વાતાવરણમાં ઠંડક પ્રસરી હતી.

સવારે 6 થી સાંજના 6 વાગ્યા દરમિયાન વિજયનગર પંથકમાં 18 મીમી વરસાદ અને પોશીના પંથકમાં 21 મીમી વરસાદ વરસ્યો હતો.તો ઇડર, વડાલી,હિંમતનગર અને ખેડબ્રહ્મામાં એક-એક મિમી વરસાદ વરસ્યો હતો. તો વરસાદ વરસવાને લઈને નીચાણવાળા વિસ્તારમાં પાણી ભરાયા હતા.