રાધનપુર વારાહી હાઇવે પર ટ્રેલર ચાલકે બાઈકને અડફેટે લીધું, એકનું મોત

પાટણ જિલ્લાના રાધનપુર વારાહી નેશનલ હાઇવે 27 ઉપર અવાર નવાર અકસ્માતો થતા હોય છે, ત્યારે શનિવારે રાત્રે આયુષ્ય અને તેના પિતા માનસિંગ ભાઈ ઠાકોર બાઈક લઈ જઈ રહ્યા હતા. આ દરમિયાન ટ્રેલર અને બાઈક વચ્ચે અકસ્માત થયો હતો. જેમાં બાઈક સવાર યુવક આયુષ્યનું ઘટના સ્થળે મોત થયું હતું. જયારે પિતા માનસિંગ ભાઈને ઇજાઓ થતા રાધનપુર હોસ્પિટલમાં સારવાર માટે ખસેડવામાં આવ્યાં હતા. જ્યાં વધુ સારવાર માટે એમ્બ્યુલન્સ મારફતે પાટણ ધારપુર ખાતે રીફર કરવામાં આવ્યા હતા. પુત્રનું ઘટના સ્થળે મોત થતા પરિવારમાં શોકની લાગણી છવાઈ હતી.