રાધનપુરના કમાલપુર દેલાણા ગામની સીમમાંથી ગળે ટૂંપો ખાધેલી હાલત માં પ્રેમી પંખીડાની લાશ મળતા ચકચાર મચી

પાટણ : પાટણ જિલ્લાના રાધનપુર તાલુકાના કમાલપુર દેલાણા ગામની સીમમાં આવેલ ખેતરની અંદરથી પ્રેમી પંખીડાની ગળે ફાસો ખાધેલી હાલતમાં બુધવારે લાશ મળી આવતા ચકચાર મચી જવા પામી હતી.

તો આ બાબતે પોલીસ ને જાણ કરાતા તેઓએ ધટના સ્થળે દોડી આવી લાશ નું પંચનામું કરી પીએમ અર્થે મોકલી આપી તેના વાલીઓને જાણ કરી આગળની તજવીજ હાથ હોવાનું જાણવા મળ્યું છે.

આ બાબતે મળતી હકીકત મુજબ પાટણ જિલ્લાના રાધનપુર તાલુકાના કમાલપુર દેલાણા ગામની સીમમાં આવેલા એક ખેતરમાં યુવક યુવતી ની ગળે ટૂપો ખાધેલી હાલતમાં લાશ મળી આવી હોવાની જાણ થતા લોકોના ટોળેટોળા ઘટના સ્થળે ઉમટી પડ્યા હતા.
તો આ બનાવની જાણ પોલીસને કરાતા પોલીસે ઘટના સ્થળે આવી બંને લાશોનુ પંચનામું કરી રાધનપુર રેફરલ હોસ્પિટલ ખાતે પીએમ માટે લાવવામાં આવેલ હતી.

આ બાબતે રાધનપુર પોલીસે તપાસ હાથ ધરતાં ગળે ટૂંપો ખાધેલી હાલત માં મળેલી યુવતી પૂનમ ઠાકોર રહે કમાલપુર અને યુવક ચેતન ઠાકોર રહે પાટણ અનાવાડા ગામનો હોવાનું જાણવા મળ્યું હોય પોલીસ દ્રારા બંનેના પરિવારજનોને ધટના ની જાણ કરવામાં આવી છે. તો ત્રણ દિવસ થી આ યુવક અને યુવતી ગુમ થયા હોવાની જાણવા જોગ નોધ કરાઈ હોવાનું પણ જાણવા મળ્યું છે.

પાટણ જિલ્લાના રાધનપુર તાલુકાના કમાલપુર દેલાણા ગામની સીમમાંથી પ્રેમી યુગલની ગળે ફાંસો ખાધેલી હાલતમાં લાશ મળી હોવાની ઘટનાને પગલે પંથકમાં ચકચાર મચી જવા પામ્યો છે.