પાટણ શહેરમાં પ્રથમ નોરતે ખેલૈયાઓ મોજથી ગરબે ઘૂમ્યા

આદ્યશક્તિ મા જગદંબા – ભવાનીના નવલાં નોરતાંનો આજથી આરંભ થયો છે . આસ્થાનું અનેરું પર્વ એટલે નવરાત્રિ જગતજનની મા અંબાની ભક્તિનું પર્વ આજે શરૂ થયું છે , ત્યારે પાટણ જિલ્લામાં અને શહેર શ્રદ્ધાળુઓમાં ભાવ અને ભક્તિ રસનો અનોખો માહોલ સર્જાયો છે .ત્યારે પ્રથમ નોરતે મહોલ્લા પોળ અને સોસાયટીઓ માં માતાજી ની આરતી કરી ગરબા ની શરૂઆત કરી હતી.જેમ જેમ નવલા નોરતા ના દિવસો આગળ વધશે એમ નવલા નોરતા નો રંગ જામશે.આ નવ દિવસ દરમ્યાનમાં શક્તિના વિવિધ સ્વરૂપોની પૂજા – અર્ચના સાથે ભોળાભાવે ગુણગાન ગાવામાં આવે છે . આજથી શરૂ થતાં નવલાં નોરતાંમાં આબાલવૃદ્ધ સૌ કોઈ પોતાની શક્તિ એવી ભક્તિ મુજબ નોરતાંની ઉજવણી શરૂઆત થઈ ગઈ છે . નોરતાં યુવા વર્ગમાં ખૂબ જ લોકપ્રિય છે નવ દિવસ સુધી અવનવા વસ્ત્ર – અલંકારોથી સજી – ધજીને ગરબે રમવા થનગની રહ્યાં છે.શહેરમાં આવેલી વિવિધ સોસાયટીઓ શેરીઓ માં નવરાત્રિ ના પ્રથમ દિવસે માતાજીની આરતી ઉતારી ગરબા ની શરૂઆત થઈ છે જેમ જેમ નવલા નોરતા ના દિવસો આગળ વધશે એમ ગરબાની રમઝટ જામશે.

પાટણ શહેર ના હિંગળાચાચાર ચોક માં માતાજી ની પ્રતિમા ની સ્થાપન કરી આરતી કરવામાં આવી હતી પાટણ શહેર ના જળચોકમાં માતાજી ની આરતી કરાઈ હતી પાટણ શહેર ના જોગીવડો માં નવરાત્રિ ના પ્રથમ દિવસે માતાજી આરતી કરી માતાજી ના ગરબા ગાવા ની શરૂઆત થઈ હતી.પાટણ ઝીણીપોળ માં આવેલ રામજી મંદિર ખાતે બાળકો દવરા માતાજી નો ગબબર બનાવવા માં આવ્યો છે .જેમાં પ્રથમ દિવસે માતાજી ની આરતી કરી ગરબાની શરૂઆત થઈ હતી.જેમાં બાળકો ,યુવતીઓ યુવાન સહિત મહિલાઓ ડીજે ને તાલે ગરબે રમી હતી.પાટણની સેવાકીય સંસ્થા દવરા 3 સ્થળે મોટા પાયે આયોજન કરવામાં આવ્યું છે જેમાં પ્રથમ દિવસે મહેમાનો ના હસ્તે માતાજી ની આરતી કરી નવરાત્રિ ની શરૂઆત કરી હતી .પાટણ શહેરના ખોડાભા હોલ ખાતે બહેરા મુગની શાળા ના બાળકોએ માતાજી ની આરતી ઉતારી ગરબે રમ્યા હતા તો પાટણ શહેર ના પ્રગતિ મેદાન માં આયોજીત દાંડિયા ધમાલ 2023માં પ્રથમ દિવસે મહેમાનો ના હસ્તે આરતી કરી બજરંગદળની દુર્ગા વાહીની દ્વારા તલવાર રાસ રમી ગરબાનો પ્રારંભ કરાવવામાં આવ્યો હતો ત્યાર બાદ ખેલૈયાઓ ગરબે રમ્યા હતા.