સિધ્ધપુરના ઉપલી શેરી વિસ્તારમાં પાણીની પાઇપ ના ખોદકામ દરમિયાન પાઈપ લાઇન માંથી યુવતી ની લાશ ના અવશેષો મળ્યા

પાટણ  સિધ્ધપુર શહેરના ઉપલી શેરી વિસ્તારમાં પાણી નહિ આવતું હોવાની રજુઆત ના પગલે પાલિકા ના કમૅચારી દ્રારા આ વિસ્તારમાં પાઈપ લાઈન નું ખોદકામ કરી રહ્યા હતા ત્યારે પાઈપ લાઈન માથી કોઈ અજાણી સ્ત્રી ની લાશ મળતા સનસનાટી મચી જવા પામી હતી તો બનાવની જાણ વાયુવેગે સિધ્ધપુર શહેર સહિત વિસ્તારમાં ફેલાતા લોકો ના ટોળેટોળા ધટના સ્થળે ઉમટી પડયા હતા તો બનાવના પગલે પોલીસે પણ ધટના સ્થળે દોડી આવી તપાસ ના ચક્રો ગતિશીલ બનાવ્યા હોવાનું જાણવા મળ્યું છે.

આ બનાવની મળતી હકીકત મુજબ સિધ્ધપુર શહેર ના ઉપલી શેરી વિસ્તારમાં છેલ્લા ચાર દિવસથી પાણી આવતું ન હોય જે બાબતે રહિશો દ્રારા સિધ્ધપુર નગર પાલિકા ને રજુઆત કરવામાં આવી હતી ત્યારે મંગળવારે બપોરે પાલિકા ની ટીમ દ્વારા આ વિસ્તાર ની પાણીની પાઇપ લાઇન નું ખોદકામ હાથ ધરી તપાસ કરવામાં આવતા પાઇપ લાઇન માંથી કોઈ અજાણી યુવતીને લાશ ના કેટલાક અવશેષો મળી આવતાં વિસ્તારમાં સનસનાટી મચી જવા પામી હતી.

આ ઘટના ની જાણ વાયુવેગે સિધ્ધપુર શહેર અને વિસ્તારમાં ફેલાતા લોકો ના ટોળેટોળા ધટના સ્થળે ઉમટી પડ્યા હતાં. તો બનાવના પગલે સ્થળ ઉપર પોલીસ કાફલા સાથે નગરપાલિકાની ટીમો આવી પહોંચી હતી. પાણી ની પાઈપલાઈન ના ખોદકામ દરમિયાન અસહ્ય દુર્ગંધ મારતી કોઈ અજાણી મહિલા ની લાશના અવશેષો મળતા આ બાબતે પોલીસે ઝીણવટભરી રીતે તપાસના ચક્રો ગતિશીલ કયૉ હોવાનું જાણવા મળ્યું છે.