પાટણ જિલ્લામાં 2 દિવસમાં લમ્પીના 145 કેસ, સંક્રમિત 8 ગૌવંશનાં મોત
પાટણ જિલ્લામાં શુક્રવારે અત્યાર સુધીમાં સૌથી વધુ એક જ દિવસમાં લમ્પીના 90 કેસ મળ્યા હતા. અને પાંચના મોત થયા હતા. જેમાં ઝઝામ ગામમાં 2, દાત્રાણા ગામમાં 1 અને શબ્દલપુરા ગામમાં બે ગાયના મોત થયા હતા. જ્યારે શનિવારે 18 ગામોમાંથી વધુ 55 કેસ મળ્યા છે. રાધનપુર તાલુકાના શબ્દલપુરા ગામમાં 3 મોત થયા છે.
કલેકટરે તાલુકા કક્ષાએ લમ્પી વાયરસ બચાવ અને નિયંત્રણ સંકલન સહ મોનિટરિંગ કમિટીની રચના કરી છે જેમાં પ્રાંત, મામલતદાર, તાલુકા પશુ ચિકિત્સા અધિકારી, તાલુકા વિકાસ અધિકારી, ટી એચ ઓ, ચીફ ઓફિસર અને પશુપાલન લાયઝન અધિકારીનો સમાવેશ કર્યો છે. જિલ્લાને વેક્સિનનો 50,000 ડોઝનો જથ્થો આપ્યો છે કુલ 56733 પશુઓનું રસીકરણ કરાયું છે.