ઊંઝાના કહોડા પેટ્રોલપંપ પર પાર્ક કરેલ ટ્રકમાંથી ડીઝલ અને બેટરીની ચોરી

ઉંઝા તાલુકાના કહોડા ગામની સીમમાં આવેલ ગાયત્રી પેટ્રોલ પંપ ઉપર પાર્ક કરાયેલા ત્રણ ટ્રકમાંથી એક ટ્રકમાંથી ડિઝલ અને બીજા બે ટ્રકમાંથી બે બેટરીની ચોરી કરી તસ્કરો ફરાર થઈ ગયા હોવાના CCTV સામે આવ્યા છે.જેમાં સ્પષ્ટ પણે દેખાવ છે કે કહોડાથી સિધ્ધપુર જવાના રોડ પર આવેલ ગાયત્રી પેટ્રોલપંપ પર રાત્રિના 2.30 કલાકે તસ્કર આવીને CCTV કેમેરાને પાઇપની મદદથી કેમેરાના એન્ગલને ફેરવવાનો નિષ્ફળ પ્રયાસ પણ કર્યો હતા. ત્યારબાદ ટ્રકના ડિઝલ ટાંકીનું ઢાંકણું તોડી ડિઝલની ટાંકીમાં પાઇપ નાખી ટ્રકમાંથી ડિઝલ કાઢતો નજરે પડે છે. ત્યાર બાદ તેની બાજુમાં પડેલા ટ્રકમાંથી બેટરી કાઢતા અને ત્યાંથી બેટરી ચોરીને લઈ જતા ગયો હતો.