પાટણ શહેરમાં નવા નવજીવન બ્રિજ નીચે આરસીસી રોડ બનાવાની કામગીરીનો પ્રારંભ

Other
Other

પાટણ શહેરમાં વિકાસ દિન પ્રતિદિન વધતો જઈ રહ્યો છે. શહેરના હાઈવે પર બે નવા બ્રિજ નિર્માણ પામતા પાટણથી ડીસા અને પાટણથી ચાણસ્મા તરફ જવા માટે નાના મોટા વાહન ચાલકોને ટ્રાફિકમુક્ત સુંદર સુવિધા ઉપલબ્ધ થવા પામી છે અને વાહન ચાલકો છે. નવા બ્રિજ પરથી સડસડાટ પસાર થઈ રહ્યા છે. જોકે, તાજેતરમાં જ ખુલ્લા મુકવામાં આવેલા નવજીવન બ્રિજની નીચેના ભાગે બંને તરફ ડાયવરઝન અપાયા બાદ નવો રોડ બનાવવા બાબતે જવાબદાર તંત્ર દ્વારા હોતી હૈ ચલતી હૈ નીતિ અપનાવાતા નાના વાહન ચાલકોને ઉબડખાબડ રોડના કારણે પારા વાર મુશ્કેલીઓનો ભોગ બનવું પડતું હોવાની વ્યાપક બુમો પ્રવર્તી રહી હતી.

નવા બનેલા નવજીવન બ્રિજની નીચેના ભાગે રોડની હાલત ખૂબ જ ખરાબ હોઇ વાહન ચાલકોને અહીંથી પસાર થવામાં પારાવાર હેરાનગતિ ભોગવી પડી રહી છે ત્યારે લોકોની આ મુશ્કેલીઓને ધ્યાનમાં લઈને હવે નવજીવન બ્રિજની બંને બાજુએ નવીન રોડ બનાવવાની કામગીરીનો પ્રારંભ કરવામાં આવ્યો છે. જોકે, સીસી રોડ બનવાનો હોઈ હયાત રોડ તોડીને નવો રોડ બનાવવા જેસીબી અને ડમ્પર તેમજ ટ્રેક્ટરોનો ઉપયોગ કરાઈ રહ્યો છે ત્યારે લોકોની અવરજવર ચાલુ જ રહેતા કામગીરીમાં મુશ્કેલી અનુભવાઈ રહી હોવાનું સ્થળ પરના વ્યક્તિએ જણાવ્યું હતું. તેમણે એક અઠવાડિયામાં કામગીરી પુરી કરવાની શકયતા વ્યક્ત કરી હતી.


  • Sign up
Lost your password? Please enter your username or email address. You will receive a link to create a new password via email.