સમૃદ્ધિ હાઈવે પર વધુ એક અકસ્માત, કાર ડિવાઈડર સાથે અથડાતા 3ના મોત

મહારાષ્ટ્રનો સમૃદ્ધિ હાઈવે ફરી એકવાર લોકોને ચીખથી ગુંજી ઉઠ્યો છે. સતત ત્રીજા દિવસે  પણ મોટો માર્ગ અકસ્માત સર્જાયો. રાજ્યના અહમદનગર નજીક સમૃદ્ધિ હાઈવે પર આજે એક અકસ્માતમાં 3 લોકોના મોત થયા છે. જણાવવામાં આવી રહ્યું છે કે હાઈ-વેના ડિવાઈડર સાથે હાઈ-સ્પીડ હ્યુન્ડાઈ કાર અથડાઈ હતી, જેના કારણે વાહન ચકનાચૂર થઈ ગયું હતું અને 3 લોકોએ જીવ ગુમાવ્યા હતા.

અહેમદનગરના કોપરગાંવ તાલુકાના ધોત્રે ગામ પાસે એક કારને અકસ્માત નડ્યો હતો, જેમાં ત્રણ લોકોના મોત થયા હતા. મળતી માહિતી મુજબ હ્યુન્ડાઈ કાર હાઈવે પર ખૂબ જ ઝડપી હતી. આ કાર નાંદેડથી મુંબઈ તરફ જઈ રહી હતી ત્યારે અકસ્માત સર્જાયો હતો. આ અકસ્માતમાં એક મહિલા સહિત કુલ 3 લોકોના મોત થયા છે.