મ્યાનમારમાં સૈન્ય-લોકો વચ્ચે હિંસા, હજારો લોકો મિઝોરમમાં ઘુસ્યા

રાષ્ટ્રીય
રાષ્ટ્રીય 28

ભારતના પડોશી દેશ મ્યાનમારમાં ફરી સૈન્ય અને નાગરિકો વચ્ચે હિંસા પ્રસરી છે. જેના કારણે મ્યાનમારના અસંખ્ય નાગરિકો ભારતના મિઝોરમ રાજ્યના બે જિલ્લામાં આવી ગયા છે. આ માહિતી મિઝોરમ સરકારે આપી છે. મિઝોરમના ગૃહમંત્રી લાલચમલિયાનાએ કહ્યું કે હાલ ચોક્કસ આંકડો આપવો મુશ્કેલ છે કે કેટલાક લોકો મ્યાનમારથી અમારા રાજ્યમાં આવ્યા છે.

ગૃહમંત્રીએ વધુમાં કહ્યું કે, છેલ્લા કેટલાક દિવસોમાં મ્યાનમારના અસંખ્ય નાગરિકો મિઝોરમમાં ઘુસી ગયા છે. પરંતુ હું ક્વોરેન્ટાઈન છું, જેથી ચોક્કસ આંકડાનો ખ્યાલ નથી. અહીંયા નોંધવું રહ્યું કે, મિઝોરમને અડીને આવેલા મ્યાનમારમાં સૈન્ય અને નાગરિકો વચ્ચે ભીષણ સંઘર્ષ ચાલું છે. હવે હિંસાથી ભાગવાની કોશિશમાં મ્યાનમારથી નાગરિકો મિઝોરમમાં આવી રહ્યા છે. આ વર્ષે માર્ચથી જ મ્યાનમારના હજારો નાગરિકો, ખાસ કરીને ભારતના મિઝોરમ સહિતના રાજ્યોમાં ઘુસી રહ્યા છે. સત્તાવાર આંકડા અનુસાર લગભગ 10 હજાર મ્યાનમારી નાગરિકો પૂર્વોત્તર રાજ્યોમાં વસવાટ કરી રહ્યા છે.

મિઝોરમના ચીફ સેક્રેટરી શુઆંગોએ કહ્યું કે, તાજેતરના દિવસોમાં સરહદને અડીના આવેલા મ્યાનમારના વિસ્તારમાં ભીષણ યુદ્ધ ચાલું છે. અહીંયા નોંધવું રહ્યું કે, મિઝોરમ અને મ્યાનમારની વચ્ચે 510 કિલોમીટરની લાંબી સરહદ છે. મિઝોરમમાં ઘુસનાર મોટાભાગના શરણાર્થી મ્યાનમારના ચિન રાજ્યના છે, આ ચિન રાજ્યની સરહદ મિઝોરમના છ જિલ્લાને અડીને આવેલી છે. મિઝોરમ અે ચિનની વચ્ચે જાતીય સમાનતા છે.


  • Sign up
Lost your password? Please enter your username or email address. You will receive a link to create a new password via email.