ઉત્તરાખંડમાં છે નેચરલ સ્વીમિંગ પૂલ, આનંદ મહિન્દ્રાએ શેર કરી તસવીર

ભારતમાં એવી ઘણી લક્ઝરી હોટેલ્સ છે જ્યાં તમને ખૂબ મોટા અને સારા સ્વિમિંગ પૂલ જોવા મળશે. પરંતુ શું તમે ક્યારેય એવા સ્વિમિંગ પૂલમાં ગયા છો જે એવી જગ્યાએ હોય જ્યાં તમે દૂર જુઓ તો તમને માત્ર પહાડો અને પર્વતો જ દેખાય. ઉત્તરાખંડમાં એક એવું સુંદર સ્થળ છે જ્યાં તમે કુદરતી સ્વિમિંગ પૂલનો આનંદ માણી શકો છો.

ધારચુલાના ખેલા ગામમાં છે કુદરતી સ્વિમિંગ પૂલ

અમે જે કુદરતી સ્વિમિંગ પૂલની વાત કરી રહ્યા છીએ તે વાસ્તવમાં ઉત્તરાખંડના ધારચુલાના ખેલા ગામમાં આવેલો છે. જંગલોમાંથી આવતા સ્પષ્ટ, ઠંડા અને કુદરતી વાદળી પાણીમાં સ્વિમિંગ કરતાં વધુ આનંદ બીજું કંઈ નથી અને તમને આ મજા કોઈ પણ લક્ઝરી હોટલના પૂલમાં ચોક્કસથી નહીં મળે.

આનાથી રોમેન્ટિક સ્થળ બીજું કોઈ ના હોઈ શકે

Whaaaat?? I’ve never seen anything like this. This HAS to go in my travel bucket list as the ultimate swimming experience. Where exactly is this @Sidbakaria ? Need GPS coordinates! https://t.co/lfOciyiCyQ

— anand mahindra (@anandmahindra) July 6, 2021

કુદરતની મધ્યમાં શાંત પહાડોમાં આવેલા આ કુદરતી પૂલમાં સ્વિમિંગ કરીને તમને અહીં જે આરામ મળશે તે ભાગ્યે જ અન્ય કોઈ જગ્યાએ મળશે. ઉત્તરાખંડમાં આ એક એવી જગ્યા છે જેના વિશે બહુ ઓછા લોકો જાણે છે. એકવાર તમે અહીં આવ્યા પછી, તમે પાછા જવાનું બિલકુલ વિચારશો નહીં. તમારા જીવનસાથી સાથે ફરવા જવા માટે કોઈ આનાથી રોમેન્ટિક સ્થળ કોઈ હોઈ જ ના શકે.

આનંદ મહિન્દ્રાએ ટ્વીટ કર્યું

આ સ્થળ ઉત્તરાખંડના કેટલાક છુપાયેલા સ્થળોમાંથી એક છે. આ જ સ્વિમિંગ પૂલનો ફોટો વર્ષ 2021માં આ જ ગામના એક વ્યક્તિ નરેશ ધામીએ સોશિયલ મીડિયા પર પોસ્ટ કર્યો હતો, જેને બિઝનેસ ટાયકૂન આનંદ મહિન્દ્રાએ કેપ્શન સાથે રીટ્વીટ કર્યો હતો. આનંદ મહિન્દ્રાએ ટ્વીટ કરીને લખ્યું હતું કે, ‘તે જોવા માટે રાહ જોઈ શકતો નથી. મેં પહેલાં આવું કંઈ જોયું નથી. હવેથી તે મારી ટ્રાવેલ બકેટ લિસ્ટમાં છે.’ ત્યારથી આ સ્થળ આકર્ષણનું કેન્દ્ર બની ગયું છે. ત્યારથી આ સ્થળ પ્રવાસીઓનું પ્રિય સ્થળ બની ગયું છે.

તવાઘાટ સુધી ખાનગી ટેક્સીમાં પણ જઈ શકો છો

આ સ્થાન પર જવા માટે તમારે પહેલા ઉત્તરાખંડના ધારચુલા પહોંચવું પડશે. આ પછી, તમારે ધારચુલાથી 18 કિમી દૂર તવાઘાટ જવું પડશે. તમે ધારચુલાથી તવાઘાટ સુધી ખાનગી ટેક્સીમાં પણ જઈ શકો છો. તવાઘાટ પહોંચ્યા પછી તમારે થોડું ચઢાણ કરવું પડશે. તવાઘાટથી આ કુદરતી સ્વિમિંગ પૂલ સુધી પહોંચવામાં તમને એકથી દોઢ કલાક કે તેથી વધુ સમય લાગી શકે છે.ઉત્તરાખંડમાં છે નેચરલ સ્વીમિંગ પૂલ, આનંદ મહિન્દ્રાએ શેર કરી તસવીર