યુપી પોલીસ કોન્સ્ટેબલ ભરતી પરીક્ષાની નવી તારીખ જાહેર, આ મહીને યોજાશે પરીક્ષા

ઉત્તર પ્રદેશની યોગી સરકારે યુપી પોલીસ કોન્સ્ટેબલની ભરતી માટે નવી તારીખ જાહેર કરી છે. UP પોલીસમાં કોન્સ્ટેબલની 60244 જગ્યાઓ માટે સીધી ભરતી-2023 માટેની લેખિત પરીક્ષા ઓગસ્ટ મહિનામાં આયોજિત કરવામાં આવશે. આ માટે યોગી સરકાર વતી ઉત્તર પ્રદેશ પોલીસ ભરતી અને પ્રમોશન બોર્ડે 23, 24, 25, 30 અને 31 ઓગસ્ટના રોજ યુપી પોલીસ કોન્સ્ટેબલ ભરતી પરીક્ષાનું આયોજન કરવાની જાહેરાત કરી છે.

ઉલ્લેખનીય છે કે અગાઉ યુપી પોલીસ કોન્સ્ટેબલની ભરતી પરીક્ષા પેપર લીક થયા બાદ રદ્દ કરવામાં આવી હતી. તે દરમિયાન સીએમ યોગીએ કહ્યું કે 6 મહિનામાં ફરીથી પરીક્ષા લેવામાં આવશે. જે બાદ હવે યોગી સરકારે નવી પરીક્ષાની તારીખ જાહેર કરી છે. યુપી પોલીસ 60244 જગ્યાઓ માટે ભરતી પરીક્ષાનું આયોજન કરશે. ઉત્તર પ્રદેશ પોલીસ ભરતી અને પ્રમોશન બોર્ડે એક અખબારી યાદી બહાર પાડીને જણાવ્યું હતું કે 23,24,25 ઓગસ્ટ અને 30,31 ઓગસ્ટ 2024ના રોજ રિઝર્વ સિવિલ પોલીસની 60244 જગ્યાઓ પર સીધી ભરતી-2023 માટેની લેખિત પરીક્ષા લેવાનું નક્કી કરવામાં આવ્યું છે.

2-શિફ્ટમાં લેવાશે પરીક્ષા 

બોર્ડે વધુમાં જણાવ્યું હતું કે આ પરીક્ષા નિર્ધારિત દિવસે 2 શિફ્ટમાં લેવામાં આવશે. એવું પણ કહેવામાં આવ્યું હતું કે લગભગ 5 લાખ ઉમેદવારો ભાગ લેશે. બોર્ડે પરીક્ષામાં ગેપ હોવાનું કારણ પણ આપ્યું હતું. બોર્ડે કહ્યું કે જન્માષ્ટમીના તહેવારને કારણે પરીક્ષામાં ગાબડું પડ્યું છે. તમને જણાવી દઈએ કે આ ભરતી માટે લગભગ 48 લાખ ઉમેદવારોએ અરજી કરી છે.