રાજ્યમાં કપલ બોક્સ ચલાવનાર સામે પોલીસની કડક કાર્યવાહી

ગુજરાતમાં કપલ બોક્સ ચલાવનાર સામે પોલીસે લાલ આંખ કરી છે. જેમાં વડોદરામાં કપલ બોક્સ ચલાવનાર સામે પોલીસે કાર્યવાહી કરી છે. તેમાં અકોટા વિસ્તારના ડાર્ક બાઈટ કાફેમાં કપલ બોક્ષ ચાલતું હતુ. ડાર્ક બાઈટ કેફે 02ના મેનેજર સોહિલ અજમેરીની ધરપકડ કરવામાં આવી છે. તથા કેફેના માલિક નિલોફર શેખ અને રૂપલ સોની વોન્ટેડ છે.

રાજ્યમાં ગેરકાયદેસર સ્પાની સાથે વિવિધ સ્થાનો પર પોલીસ દ્વારા ડ્રાઈવ ચલાવવામાં આવી હતી. તે પછી વડોદરામાં મોટી કાર્યવાહી હાથ ધરવામાં આવી છે. જેમાં ગેરકાયદેસર કપલ બોક્સ પર પોલીસે કાર્યવાહી કરી છે. જેમાં અકોટા વિસ્તાર માં કપલ બોક્ષ ચલાવનાર સામે કાર્યવાહી કરી છે. આ અંગેની માહિતી અનુસાર, અકોટા વિસ્તારના ડાર્ક બાઈટ કાફેમાં ચાલતું કપલ બોક્ષ પર એન્ટી હ્યુમન ટ્રાફિકિંગ યુનિટના ચેકીંગમાં કપલ બોક્ષ ચાલતું હોવાનું બહાર આવ્યું છે. અકોટા વિસ્તારના ડાર્ક બાઈટ કાફે 02 પર ચેકીંગ કરવામાં આવ્યું હતું. કેફેની આડમાં કપલ બોક્સ ચાલતું હોવાનું સામે આવ્યું છે.