SIMA HAIDAR CASE: સીમા હૈદરની ઘુસણખોરી મામલે SSBની મોટી કાર્યવાહી, લીધો આ મોટો નિર્ણય

પાકિસ્તાની મહિલા સીમા હૈદર અત્યાર સુધી ભારતીય તપાસ એજન્સીઓ માટે વણઉકેલાયેલી કોયડો બનીને રહી છે. સીમા હૈદર તેના ચાર બાળકો સાથે ભારતમાં કેવી રીતે પ્રવેશી તેની તપાસ કરવામાં આવી રહી છે. આ દરમિયાન SSBએ તેના બે જવાનને સસ્પેન્ડ કરી દીધા છે. જણાવવામાં આવી રહ્યું છે કે આ બે જવાનોએ તે બસને ચેક કરી હતી જેમાં સીમા અને તેના બાળકો નેપાળ થઈને ભારતીય સરહદમાં પ્રવેશ્યા હતા. મળતી માહિતી મુજબ SSBની 43મી બટાલિયનના ઈન્સ્પેક્ટર સુજીત કુમાર વર્મા અને હેડ કોન્સ્ટેબલ ચંદ્ર કમલ કલિતાને સસ્પેન્ડ કરવામાં આવ્યા છે. બંને જવાનો પર બેદરકારીના આરોપમાં આ કાર્યવાહી કરવામાં આવી છે.

SSB એ કરી કડક કાર્યવાહી

વાસ્તવમાં સીમા હૈદર નેપાળ થઈને ભારત આવી હતી. ભારત અને નેપાળની સરહદ ખુલ્લી છે અને તેની સુરક્ષા SSB એટલે કે સશસ્ત્ર સીમા બલ દ્વારા કરવામાં આવે છે. તેથી જ SSB સીમા હૈદરના ભારતમાં પ્રવેશની તપાસ કરી રહી હતી. આ મામલામાં બંને જવાનોની બેદરકારી સામે આવ્યા બાદ તેમની સામે કાર્યવાહી કરવામાં આવી છે.

શું સીમા રાજકારણની પીચ પર ઉતરશે?

સીમા અને સચિનની લવ સ્ટોરી સતત ચર્ચામાં છે. દરમિયાન, સમાચાર ફેલાઈ ગયા કે સીમા હૈદર રાજકીય પીચ પર નવી ઈનિંગ શરૂ કરવા જઈ રહી છે. એવું કહેવામાં આવ્યું હતું કે એનડીએ અને કેન્દ્રીય મંત્રી રામદાસ આઠવલેના સહયોગી રિપબ્લિકન પાર્ટી ઓફ ઈન્ડિયાએ સીમા હૈદરને પાર્ટીમાં જોડાવા માટે આમંત્રણ આપ્યું છે. એવું પણ કહેવામાં આવ્યું હતું કે સીમા હૈદરે પણ આ આમંત્રણ સ્વીકાર્યું છે અને તે પણ ચૂંટણી મેદાનમાં ઉતરી શકે છે.

કેન્દ્રીય મંત્રીએ કરી સ્પષ્ટતા

જો કે મામલો વધુ ઉગ્ર બને તે પહેલા જ રામદાસ આઠવલેનો ખુલાસો સામે આવ્યો હતો. તેમણે સ્પષ્ટ કર્યું કે પાર્ટીનો એવો કોઈ ઈરાદો નથી. તેમણે કહ્યું કે સીમા હૈદરને પાર્ટીમાં લેવાનો કોઈ પ્રશ્ન જ નથી અને જો તેમને ટિકિટ આપવી જ પડશે તો અમે તેમને ભારતથી પાકિસ્તાનની ટિકિટ આપીશું, પરંતુ અહીં પાર્ટી ટિકિટ આપવાનો સવાલ જ નથી.